Zaniatki johaj uzmacniajuć mužčyn u łožku — daśledavańnie

U navukovym časopisie Trends in Urology & Men's Health u kancy lutaha było apublikavana novaje daśledavańnie: navukoŭcy pravieryli niekalki sposabaŭ, jakimi karystajucca mužčyny dla taho, kab ich seks praciahvaŭsia daŭžej. 

Aŭtary daśledavańnia z univiersiteta Anglia Ruskin u Vialikabrytanii vyvučali mužčyn, jakija pakutavali ad chutkaj ejakulacyi padčas seksu. U daśledavańni brali ŭdzieł 3485 mužčyn ad 18 da 45 hadoŭ, jakich praviarali na roznyja vidy fizičnaj aktyŭnaści dla manitorynhu praciahłaści seksu.

Navukoŭcy adznačajuć, što zaŭčasnaja ejakulacyja dla mnohich mužčyn — heta nahoda dla chvalavańniaŭ, asabliva kali jana zdarajecca rehularna. Takija mužčyny, jak praviła, adčuvajuć rasčaravanaść u sabie i paźbiahajuć seksualnaj blizkaści. Pryčynami takoj źjavy mohuć być nizkaja samaacenka, psichałahičnyja prablemy, panižanaje libida i prablemy ŭ stasunkach z partniorkami.

«Pavodle vynikaŭ nazirańnia, mužčyny, jakija zajmajucca fizičnaj aktyŭnaściu, u siarednim «trymajucca» ŭ łožku ad 39 siekund da 30 chvilin, nieaktyŭnyja ž mužčyny — kala 50 siekund».

«A asobnaja hrupa mužčyn, jakaja naviedvała zaniatki johi ciaham 12 tydniaŭ, pakazała, što ich «čas» seksu pavialičyŭsia amal na 1,5 chviliny ŭ paraŭnańni sa zvyčajnymi pakazčykami. Jość vierahodnaść, što ŭmacavańnie myšcaŭ tazavaha dna taksama spryjaje pavialičvańniu praciahłaści seksu», — havorycca ŭ vynikach daśledavańnia.

Taksama zhadvajecca technika «spynieńnie-ściskańnie» (kali mužčyny robiać paŭzu padčas seksu i ściskajuć hałoŭku pienisa, kab praduchilić ejakulacyju), jakaja dazvoliła mužčynam pratrymacca ŭ siarednim na dźvie chviliny bolš, čym zvyčajna.

«Ale ž u vyniku samaj lepšaj mietodykaj dla taho, kab palepšyć seks, daśledčyki nazvali fizičnuju aktyŭnaść. Kaniešnie, patrebna bolš daśledavańniaŭ, kab zrazumieć, jak sport moža dapamahčy mužčynam, ale heta nie pytańnie vyklučna seksu albo tych chłopcaŭ, u jakich jość dyjahnaz zaŭčasnaja ejakulacyja: bolšaść mužčyn mahli b takim čynam pamianiać svoj ład žyćcia», — padahulniajuć daśledčyki.

Nahadajem, što niadaŭna navukoŭcy vyjavili novy srodak pavyšeńnia seksualnaha žadańnia ŭ mužčyn zamiest «Vijahry» (u jakoj, darečy, taksama znajšli jašče adzin karysny efiekt dla zdaroŭja). Akramia taho, adno ź minułych daśledavańniaŭ pakazała, što ŭ mužčyn moža raźvicca alerhija na ŭłasnyja arhazmy.

• 14
• 2
• 1
• 1
• 5