Zialenski zaklikaŭ raźmiaścić va Ukrainie zamiežnyja vojski
Prezident Ukrainy Uładzimir Zialenski zajaviŭ, što raźmiaščeńnie «zamiežnaha kantynhientu» va Ukrainie — heta adzin z najlepšych instrumientaŭ prymusu Rasii da miru. Pra heta jon skazaŭ na sustrečy kantaktnaj hrupy va Ukrainie na vajskovaj bazie «Ramštajn» u Hiermanii.
09.01.2025 / 20:16
«Davajcie budziem bolš praktyčnymi, kab zrabić heta mahčymym. I my pačuli sihnały ź Vialikabrytanii — u padtrymku hetaha. My pavinny być śmiełymi, i my pavinny prapanavać sapraŭdy mocnyja instrumienty», — zajaviŭ Zialenski, źviartajučysia da ŭdzielnikaŭ sustrečy.
Prezident Ukrainy taksama zaklikaŭ praciahnuć cisk na Rasiju, padkreśliŭšy, što dla taho, kab «spynić zabojstvy», nieabchodna «pierakryć hrašovyja patoki».
U śniežni stała viadoma, što krainy Jeŭrasajuza abmiarkoŭvajuć mahčymaść adpraŭki miratvorcaŭ va Ukrainu dla zabieśpiačeńnia vykanańnia damovy ab spynieńni ahniu.
U Jeŭrasajuzie abmiarkoŭvajuć adpraŭku va Ukrainu da 100 tysiač vajskoŭcaŭ
Tusk: Polšča nie płanuje adpraŭlać svaich vajskoŭcaŭ va Ukrainu