Каля берагоў Малайзіі разбілася расійская ладдзя з беларусам на борце
Расійская драўляная ладдзя «Пілігрым « з беларусам на борце пацярпела крушэнне каля берагоў Малайзіі падчас здзяйснення кругасветнага падарожжа. Пра гэта паведамілі «РИА Новости» са спасылкай на пасольства Расіі ў Малайзіі.
07.01.2025 / 18:15
Фота: сацсеткі
У паведамленні гаворыцца, што расійская амбасада ў Малайзіі ў курсе сітуацыі вакол пацярпелай крушэнне каля паўночнага ўзбярэжжа вострава Барнэа расійскай драўлянай ладдзі «Пілігрым», якая здзяйсняла кругасветнае падарожжа.
Катастрофа адбылася яшчэ 20 снежня 2024 года.
Паведамляецца, што каманда на борце пацярпелай крушэнне ладдзі складалася з трох грамадзян Расіі і аднаго грамадзяніна Беларусі. Яны здаровыя і адчуваюць сябе добра.
Пашкоджанае судна ўдалося падняць на бераг пры дапамозе сродкаў мясцовай суднаверфі. Адзін расіянін ужо вярнуўся на радзіму, а беларус разам з іншымі расіянамі меў намер зрабіць гэта 7 студзеня.
Драўляная ладдзя «Пілігрым» — рэпліка паморскай ладдзі XIX стагоддзя. У кастрычніку 2024 года судна выйшла ў плаванне з Уладзівастока пасля рамонту. У планах было адправіцца ў Японію, на Філіпіны, у Малайзію, прайсці праз Індыйскі акіян да Чырвонага мора, а затым да Міжземнага, Чорнага і Азоўскага.
Эстонія пачала аперацыю па абароне падводнага кабеля Estlink 1
Кабелі ў Балтыйскім моры пашкодзіў кітайскі сухагруз, які перавозіў расійскія ўгнаенні
Новая Зеландыя ўпершыню з Другой сусветнай вайны страціла карабель у моры
Расійскі вайсковы карабель адкрыў агонь па нарвежскім судне ў Арктыцы