Stała viadoma pra vyzvaleńnie 24-hadovaj nastaŭnicy kitajskaj movy Darji Chmialnickaj
Dziaŭčynie prysudzili 5,5 hoda kałonii za padtrymku Ukrainy i ŭdzieł u pratestach. Za kratami jana praviała trochi bolš za hod.
07.01.2025 / 10:36
Darja Chmialnickaja. Fota: z apošniaha zvanka
24-hadovaja eks-palitźniavolenaja Darja Chmialnickaja znachodzicca na svabodzie. Pavodle infarmacyi Biełaruskaha PENa, dziaŭčyna vyzvaliłasia pa pamiłavańni ŭ śniežni 2024 hoda.
Darja Chmialnickaja rodam ź Minska. Paśla zakančeńnia himnazii jana pastupiła na fiłfak BDU na śpiecyjalnaść «uschodniaja fiłałohija», vučyła kitajskuju movu. Jaje dypłom byŭ pryznany adnym z najlepšych dypłomaŭ fiłfaka 2022-ha.
Paśla zakančeńnia ŭniviersiteta Darja pajšła pracavać u svaju alma-mater, 23-ju himnaziju ŭ Minsku, dzie vykładała kitajskuju movu. Taksama jana pastupiła ŭ mahistraturu fiłfaka BDU.
Darja Chmialnickaja
Zatrymali jaje ŭ kastryčniku 2023 hoda, abvinavaciŭšy pa dvuch artykułach Kryminalnaha kodeksa — č. 1 art 342 (aktyŭny ŭdzieł u dziejańniach, jakija hruba parušajuć hramadski paradak) i č. 2 art. 361-3 (finansavańnie ŭdziełu na terytoryi zamiežnaj dziaržavy ŭ vajennych dziejańniach).
Sudździa Alena Ananič prysudziła Chmialnickaj 5 hadoŭ i 6 miesiacaŭ źniavoleńnia. Apielacyja ničoha nie źmianiła, i ŭ žniŭni 2024 hoda dziaŭčyna trapiła ŭ homielskuju kałoniju, dzie praviała da vyzvaleńnia kala čatyroch miesiacaŭ.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie
BT pakazała Ziankoviča, kab toj źviarnuŭsia da Trampa i Charys z prośbaj zabrać jaho
Vyzvalenyja pa pamiłavańni Palina Pałavinka i Dźmitryj Łukša pierajechali ŭ Polšču