Sud na Kalady. U Minsku pačaŭsia zavočny praces nad Słavam Kamisarankam
Jamu pahražaje da piaci hadoŭ źniavoleńnia.
24.12.2024 / 11:13
Słava Kamisaranka. Skryn videa: slavakomissarenko / YouTube
Minski haradski sud pačaŭ razhlad u paradku śpiecvytvorčaści kryminalnaj spravy ŭ dačynieńni da stendapiera Słavy Kamisarenki.
Jamu staviać u vinu try artykuły:
- č. 1 art. 130 (naŭmysnyja dziejańni, nakiravanyja na raspalvańnie inšaj sacyjalnaj varožaści i varožaści pa prykmiecie inšaj sacyjalnaj prynaležnaści);
- č. 2 art. 367 (paklop u dačynieńni da Łukašenki);
- č. 1 art. 368 (publičnaja abraza Łukašenki).
Sudzić Kamisaranku budzie Nastaśsia Papko. Jana pracuje pa palityčnych spravach bolš za 10 hadoŭ.
Nahadajem, pra budučy sud nad Kamisarankam stała viadoma ŭ žniŭni 2024 hoda. Sam komik jašče napačatku 2022 hoda abviaściŭ, što jaho šukaje biełaruski KDB, i źjechaŭ z Rasii.