Dzied Maroz pryjechaŭ da dziaciej na «Liniju Stalina» na tanku
Pad Minskam źjaviŭsia Dzied Maroz u pahonach. Jon vučyć dziaciej normam HTA i kidać hranaty ŭ tank.
23.12.2024 / 19:19
Skrynšot videa: STB
Pad Minskam adkryłasia jašče adna rezidencyja Dzieda Maroza. Jaje raźmiaścili ŭ kompleksie «Linija Stalina». Dla dziaciej zładzili z hetaj nahody militarysckaje śviata.
Dzied Maroz sa Śniahurkaj pryjechali pavinšavać dziaciej sa śviatami nie na zvykłych dla hetych piersanažaŭ sankach, a na tanku T-50. Namieśnik dyrektara «Linii Stalina» Siamion Miatła ŭ efiry STB patłumačyŭ, što hety Dzied Maroz niezvyčajny.
«Naš Dzied Maroz adroźnivajecca tym, što jon u vajskovaj formie, u paradnym mundziry. I maje čyrvony surdut», — adznačyŭ Miatła.
Kab stvaryć dzieciam navahodni nastroj, arhanizatary śviata prydumali prydatnyja pad hetuju nahodu aktyŭnaści. Tak, dzieci mohuć pastralać ź pnieŭmatyki, pakidać hranaty ŭ vyjavu niamieckaha tanka časoŭ Druhoj suśvietnaj, papracavać navodčykam bronieciahnika.
Svojeasabliva stylizavali i skrynku z žadańniami: zamiest jaje dla listoŭ Dziedu Marozu vykarystoŭvajecca kapsuła ad staroj artyleryjskaj hilzy z vyjavaj Stalina.
«Bajsoł» praciahvaje kaladnuju akcyju «Padorym dzieciam cud!»
U centry Hrodna skrali nohi Dzieda Maroza. Za pošuk złodzieja abviaścili ŭznaharodžańnie
Babrujčanka sabrała kalekcyju ź dźviuch tysiač navahodnich jołačnych cacak časoŭ SSSR