Стала вядома пра арышт стэндапера і радыёвядучага Сцяпана Манкевіча
У канцы снежня яго будуць судзіць па народным артыкуле за ўдзел у пратэстах.
20.12.2024 / 08:41
Сцяпан Манкевіч
У судзе Савецкага раёна Мінска 26 снежня пачнуць судзіць 33-гадовага шоўмена Сцяпана Манкевіча. Яму інкрымінуецца артыкул 342 Крымінальнага кодэкса — удзел у пратэстах. Па цяперашняй практыцы людзей з такім абвінавачваннем утрымліваюць да суда пад вартай.
Сцяпан Манкевіч — беларускі комік. Адвучыўся на псіхолага ў Беларускім дзяржаўным педагагічным універсітэце, працаваў вядучым на «Радыус ФМ». Апошнія гады быў вядомы як стэндапер, таксама займаўся правядзеннем вяселляў.
«Комік кучарава жартуе пра ўзаемаадносіны з людзьмі і спробы наладзіць асабістае жыццё. Калі вы стаміліся ад палітыкі, паглядзіце выступ Сцёпы», — апісваўся Манкевіч у рэйтынгу беларускіх стэндапераў ад Kyky.org.
Сцяпан Манкевіч
Стаў вядомы прысуд музыканту Дзядзю Ваню
Выйшла на свабоду Антаніна Канавалава, давераная асоба Ціханоўскай у 2020 годзе
Дзяўчыну з Баранавічаў вінавацяць ва ўдзеле ў раённым чаце. Як на яе маглі выйсці сілавікі?