Fix Price u Biełarusi zapuskaje servis dastaŭki tavaraŭ dadomu
Jak paviedamlaje vydańnie New Retail, užo ciapier novy servis viadomy rasijski retejler Fix Price zapuskaje ŭ adnoj kramie ŭ Minsku, a ŭ studzieni da pasłuhi płanujecca padklučyć jašče 13 kram sietki ŭ Minsku, Hrodnie i Homieli.
17.12.2024 / 20:14
U kampanii dapoŭnili, što dastaŭka budzie raspaŭsiudžvacca na asnoŭnyja katehoryi tavaraŭ, jakija pradajuć u afłajn-kramach. Pakupniki zmohuć nabyvać tavary anłajn, afarmlać ich samovyvaz i zakazvać dastaŭku z dapamohaj servisu «Jandeks Go».
Pasłuha dastaŭki budzie płatnaja — ad 3 rubloŭ. Na kančatkovy košt paŭpłyvaje ahulnaja suma zamovy, a taksama adras klijenta i zahružanaść servisu. Čas dastaŭki — ad 30 chvilin. Maksimalnaja vaha — 30 kiłahramaŭ.
Pa stanie na 30 listapada 2024 hoda Fix Price u Biełarusi naličvaje 328 kram, u tym liku 318 ułasnych i 10 frančajzinhavych. Sietka achoplivaje 100 haradoŭ i nasielenych punktaŭ krainy.
Brend zbankrutavanaj sietki «Vostraŭ čyścini i smaku» novyja ŭłaśniki abiacajuć zachavać
Biznes-sajuz zajaviŭ pra krytyčny niedachop u Biełarusi pradaŭcoŭ