FIFA vybačyłasia za Ukrainu biez Kryma na svajoj karcie
Padčas tranślacyi losavańnia jeŭrapiejskaj kvalifikacyi čempijanatu śvietu 2026 hoda FIFA pakazała kartu, na jakoj Krym nie źjaŭlaŭsia častkaj Ukrainy. Uźnik skandał, u vyniku jakoha kartu z abaračeńnia prybrali, a mižnahodnaja fiederacyja nazvała incydent «nienaŭmysnym», piša Euronews.
16.12.2024 / 17:06
Karta, jakaja vyklikała skandał
Ukrainskaja asacyjacyja futboła atrymała adkaz FIFA, u jakim Mižnarodnaja futbolnaja fiederacyja patłumačyła, čamu 13 śniežnia padčas losavańnia na čempijanat śvietu pa futbole 2026 hoda pakazała kartu Ukrainy biez anieksavanaha Rasijaj Kryma.
U FIFA paviedamili što ikanahrafiku rychtavaŭ źniešni padradčyk i nazvali incydent «nienaŭmysnym».
«Vyjaviŭšy prablemu, my nieadkładna raspačali kroki dla vyrašeńnia situacyi, u pryvatnaści, pryniali miery pa vydaleńni vyjavy z abaračeńnia. Akramia taho, my pravodzim unutranuju pravierku, kab pierakanacca, što takija pamyłki nie paŭtoracca» — napisali ŭ FIFA, pryznaŭšy, što «całkam uśviedamlajuć dalikatnaść hetaha pytańnia».
Raniej Ukrainskaja asacyjacyja futboła nakiravała list na adras hienieralnaha sakratara FIFA Macijasa Hrafstroma i hienieralnaha sakratara Sajuza jeŭrapiejskich futbolnych asacyjacyj (UEFA) Teadora Teadarydzisa, źviarnuŭšy ŭvahu na «niedapuščalnuju pamyłku ŭ vyjavie karty Ukrainy». Pradstaŭnik MZS Ukrainy Hieorhij Cichi zajaviŭ, što, «pierakroiŭšy mižnarodnyja miežy» u efiry, FIFA nie tolki dziejničała» nasupierak mižnarodnamu pravu», ale i padtrymała «rasijskuju prapahandu, vajennyja złačynstvy i złačynnuju ahresiju suprać Ukrainy».
Padobnaha kštałtu incydent — užo nie pieršy. U lipieni 2021 hoda na aficyjnym sajcie Alimpijady ŭ Tokia taksama była raźmieščanaja karta z krainami-ŭdzielnicami, na jakoj Krym adździalili ad Ukrainy hrafičnaj miažoj. Praz sutki pamyłku vypravili.
FIFA «addała» Krym Rasii padčas losavańnia kvalifikacyi ČS-2026
Čempijanat śvietu pa futbole ŭ 2034 hodzie projdzie ŭ Saudaŭskaj Aravii
Z Rasijaj u futboł pahadziłasia zhulać 184-ja zbornaja śvietu. Ale i jana vystavić amataraŭ
Zbornaja Biełarusi znachodzicca ŭ čaćviertym košyku na losavańnie adboru na čempijanat śvietu — 2026
Z futbolnaj zbornaj Rasii admaŭlajucca hulać navat zbornyja z «družalubnych» krain