U Biełaruś znoŭ pryvieźli dziaciej z Danbasa
U Biełaruś pryvieźli čarhovuju hrupu dziaciej z akupavanych rajonaŭ Ukrainy. Siońnia 38 dziaciej z terytoryi tak zvanaj «DNR» pradstaŭniki ŭładaŭ sustreli ŭ Minsku.
03.12.2024 / 23:54
Skrynšot ź videa
Płanujecca, što pryviezienyja dzieci praviaduć dva tydni ŭ dziciačym reabilitacyjna-azdaraŭlenčym centry «Žamčužyna» ŭ Lepielskim rajonie.
«Dzieci buduć znachodzicca na terytoryi Biełarusi da 18 śniežnia. U hety čas jany buduć lačycca ŭ sanatoryi, projduć kurs reabilitacyi. Dla ich budzie arhanizavanaja kulturnaja prahrama, zabaŭlalnaja prahrama», — paviedamiŭ u svaim telehram-kanale staršynia praŭładnaj partyi «Biełaja Ruś» Aleh Ramanaŭ.
Pradstaŭniki biełaruskich demakratyčnych siłaŭ rasceńvajuć masavy pryvoz u Biełaruś dziaciej z akupavanych Rasijaj ukrainskich terytoryj ich niezakonnym pieramiaščeńniem — złačynstvam, jakoje musić razhladać Mižnarodny kryminalny sud. Viadoma, što vyviezienyja ŭ Biełaruś ukrainskija dzieci padviarhajucca pieravychavańniu i militaryzacyi.
Pasoł u Rasii apraŭdvaŭsia za vyviezienych u Biełaruś ukrainskich dziaciej
My nie ŭdzielničajem u vyvazie dziaciej za miežy Ukrainy — rehijanalny ofis JUNISIEF
Biełaruskaja deputatka: Dziaciej z Ukrainy vyvoziać pry sadziejničańni AAN i Čyrvonaha Kryža
NAU pieradało ŭ Haahu dokazy vajennych złačynstvaŭ Łukašenki i jahonych prychilnikaŭ