Ва Украіне затрымалі мужчыну, які перапраўляў ваеннаабавязаных у Беларусь
Ва Украіне затрымалі жыхара горада Славуціча Кіеўскай вобласці, які дапамагаў ваеннаабавязаным украінцам пакідаць краіну праз мяжу з Беларуссю, паведамляе Нацыянальная паліцыя Украіны.
26.11.2024 / 16:15
Фота: Нацыянальная паліцыя Украіны
Паводле даных следства, 37-гадовы мужчына спрыяў ухіленню ад мабілізацыі, размяшчаючы ў інтэрнэце аб'явы аб аказанні адпаведных паслуг. Адзначаецца, што за грашовую ўзнагароду ён «распрацоўваў план перасячэння мяжы і маршрут руху ў абыход блокпастоў».
Згодна з гэтым планам, як заяўляецца, людзі, якія хацелі пазбегнуць вайсковай службы, павінны былі пераплываць Дняпро, каб «апынуцца па той бок мяжы». Акрамя таго, затрыманы прадаваў інфармацыю пра гэтыя маршруты праз тэлеграм-каналы, гаворыцца ў паведамленні.
Супраць мужчыны завялі крымінальную справу, яму пагражае да дзевяці гадоў пазбаўлення волі.
Ці сапраўды «пасыпаўся» ўкраінскі фронт на Данбасе?
Украінцы ўдарылі ракетамі ATACMS па C-400 у Курскай вобласці — загінулі пяць расійскіх афіцэраў