Хто прыдумаў ютуб-праграму «Гадзіннічак цікае»?
Аўтары праекта расказалі, як знайшлі адно аднаго.
25.11.2024 / 11:36
Вядоўцы інтэрнэт-праекта «Гадзіннічак цікае» Жэня Сугак, Рыгор Астапеня і Арцём Шрайбман. Скрын відэа: chasiki_ / YouTUbe
Па словах вядучай Яўгеніі Сугак, ідэю праекта «Гадзіннічак цікае» яна прапанавала Арцёму Шрайбману (той раней прыходзіў госцем на іншае ютуб-шоу Яўгеніі, і ёй спадабалася сумесная праца). Рыгор Астапеня далучыўся пазней.
«Мне было прыемна, што Арцём адразу пагадзіўся. Проста адразу. І далей мы сустрэліся, правялі чатыры гадзіны ў кавярні за абмеркаваннем таго, як мы гэта будзем рабіць і хто ж будзе наш трэці», —
згадвае Яўгенія.
Адносна трэцяга ўдзельніка былі розныя варыянты. Канкрэтныя прозвішчы Сугак не назвала, адзначыла толькі, што «там былі розныя медыйныя персоны».
«Азіраючыся назад, хіміі бы з тымі людзьмі не атрымалася б. (…) У нас мэтч адбыўся, па-мойму. Усе мне пра гэта гавораць», — дапаўняе сваю калегу Шрайбман.
Арцём заўважае: нягледзячы на тое, што яго перадачы на «Люстэрку» збіраюць прыкладна ў два разы больш праглядаў, чым «Гадзіннічак цікае», у размовах з ім людзі часцей згадваюць менавіта апошні праект.
«Магчыма, нас больш глядзяць у дыяспары», — спрабуе знайсці тлумачэнне аналітык.
Стартавая старонка праекта
Рыгор Астапеня знаёмы з Арцёмам Шрайбманам з 2012 года. Яны разам пісалі тэксты для «Беларускага дайджэсту», калі былі яшчэ студэнтамі. А з Жэняй Сугак ён пазнаёміўся пасля 2020-га, калі яна пераехала ў Варшаву.
Мэту праекта Сугак акрэсліла так — «робім шоу аб палітыцы ў Беларусі весела, цікава і жыва».
Жарт ад Шрайбмана: Калі Гайдукевіч пойдзе на выбары, ён возьме сітуацыю ў свае рукі
Шрайбман дае каментары толькі тым расійскім медыя, якія гатовыя за гэта данаціць Украіне
Шрайбман і Астапеня падарылі Сугак беленькага сабачку