Łatvija da kanca hoda całkam skončyć umacavańnie miažy ź Biełaruśsiu
Paśla zaviaršeńnia budaŭnictva pamiežnaha płota na łatvijska-biełaruskaj miažy daŭžynioj kala 145 kiłamietraŭ ciapier zakančvajucca raboty pa jaho infrastrukturnamu abstalavańniu. Pra heta paviedamili na pasiadžeńni Kamiteta pa nahladzie za budaŭnictvam infrastruktury źniešniaj miažy, piša Delfi.lv.
02.11.2024 / 17:54
Fota: lsm.lv
Taksama na łatvijska-biełaruskaj miažy pabudavanyja patrulnyja darožki dla pieramiaščeńnia transpartnych srodkaŭ daŭžynioj 63,85 km. Patrulnyja darožki z naściłu zbudavanyja na 18,53 km, a pantonnyja darožki — na 1,75 km. Ich budaŭnictva, jak paviedamlajecca, budzie praciahvacca da kanca hoda na ŭsim praciahu miažy ŭ 173 km.
U toj ža čas na ŭčastku kala Dźviny na łatvijska-biełaruskaj miažy praciahvajecca ŭstanoŭka šaści mietaličnych viežaŭ suviazi, padjaznych daroh i patrulnaj darožki daŭžynioj 16,7 km.
Raspačatyja taksama budaŭničyja raboty pa ŭźviadzieńni piaci viežaŭ suviazi i padjaznych daroh da ich, jakija taksama płanujecca zaviaršyć da kanca hoda.
Pabudavanyja viežy i darohi zabiaśpiečać nazirańnie za miažoj Łatvii na ŭčastku kala Daŭhavy.
Ułady Polščy biarucca stavić na miažy ź Biełaruśsiu «Uschodni ščyt»
Litva ŭzvodzić niepadalok ad miažy ź Biełaruśsiu vajskovy haradok