MZS Polščy choča źmianić kryteryi vydačy kartaŭ palaka
U Polščy naśpieła nieabchodnaść udakładnić kryteryi vydačy karty palaka, pierš za ŭsio dla harantavańnia biaśpieki. Pra heta zajaviŭ kiraŭnik MZS krainy Radasłaŭ Sikorski, vystupajučy ŭ Sienacie, piša Most.
30.10.2024 / 20:16
Krynica: Polsha24.com
Ministr paviedamiŭ, što z 2008 hoda pa 30 vieraśnia 2024 hoda Polšča vyniesła amal 215 tys. rašeńniaŭ ab vydačy karty palaka. I źviarnuŭ uvahu, što cikavaść da hetaha instrumienta stabilna vysokaja ŭ krainach byłoha SSSR, a paśla pačatku ahresii Rasii suprać Ukrainy jana jašče bolš pavialičyłasia, asabliva siarod hramadzian Ukrainy, Biełarusi i Rasii.
«U suviazi z palityčnaj situacyjaj, asabliva ŭ dźviuch apošnich krainach, narastaje nieabchodnaść uniasieńnia źmienaŭ u zakon ab karcie palaka dla dakładnaha ŭdakładnieńnia kryteryjaŭ, jakija dajuć prava na jaje atrymańnie, pierš za ŭsio dziela našaj biaśpieki. Orhany, upaŭnavažanyja razhladać zajaŭki na kartu palaka, sutykajucca z usio bolš surjoznymi pahrozami. Adna z klučavych — heta mahčymaść stvareńnia varožymi Polščy śpiecsłužbami praktyčna luboha daśje na kandydata», — pryvodzić słovy Sikorskaha vydańnie Portał Samorządowy.
Jon padkreśliŭ, što konsuły i čynoŭniki pavinny mieć mahčymaść prymać adekvatnyja miery, kab karta palaka nie stała «ščylinaj u mihracyjnych pracedurach».
U Polščy źbirajucca pastrožyć umovy vydačy karty palaka. Nadta šmat złoŭžyvańniaŭ
Urad Polščy ŭchvaliŭ stratehiju supraćdziejańnia nielehalnaj mihracyi. Stali viadomyja novyja detali
Ludzi ŭzrostam za 60 hadoŭ mohuć padacca na polskuju vizu pa zaprašeńni biez rehistracyi
Polšča źbirajecca pastrožyć umovy vydačy dazvołaŭ na pracu inšaziemcaŭ