З лістапада забараняюць лавіць два віды рыб
З 1 лістапада ў Беларусі будзе забаронена лавіць два віды рыбы, паведаміла Беларуская арганізацыя паляўнічых і рыбаловаў.
30.10.2024 / 19:20
Чудскі сіг. Фота: fishingby.com
«З мэтай стварэння спрыяльных умоў для ўзнаўлення сіга чудскага з 1 лістапада па 15 снежня ў рыбалоўных угоддзях Рэспублікі Беларусь устанаўліваецца забарона на яго вылаў. У гэты перыяд у прадстаўнікоў сямейства ласосевых, да якіх належыць сіг чудскі, пачынаецца перыяд нерасту», — гаворыцца ў паведамленні.
Таксама
«для захавання папуляцыі сома па ўсёй рэспубліцы усталёўваецца забарона на яго вылаў з 1 лістапада па 31 сакавіка, пры гэтым забарона тычыцца не толькі прамысловай, але і аматарскай лоўлі».
Рэч у тым, што сом звычайны залягае на зімоўку і становіцца практычна нерухомым, што робіць яго лёгкай здабычай на зімавальных ямах.
БТПР таксама нагадвае, што ў адпаведнасці з правіламі аматарскага рыбалоўства і правіламі вядзення рыбалоўнай гаспадаркі ў рыбалоўных угоддзях забароненая лоўля ўсіх відаў рыб на зімавальных ямах з 1 кастрычніка па 15 красавіка.
Каля Аўстраліі злавілі селядцовага караля. Кажуць, што гэта не на дабро
У Магілёўскай вобласці вылавілі 15-кілаграмовага шчупака. Даставалі з вады амаль гадзіну
У Петрыкаўскім раёне пенсіянер адправіўся рыбачыць на лодцы і заблукаў