Kolki ciapier biełaruskamoŭnych kłasaŭ u Minsku?
U staličnym kamitecie adukacyi ličać, što biełaruskuju movu dobra vykładajuć i ŭ ruskamoŭnych škołach.
30.10.2024 / 12:40
Namieśnica staršyni kamiteta pa adukacyi Minharvykankama Volha Śmirnova adznačyła na BT, što na praciahu apošnich piaci hadoŭ kolkaść biełaruskamoŭnych kłasaŭ u Minsku nie pamianšajecca.
Jana trymajecca ŭ miežach 160—170 kłasaŭ. U hetym hodzie ŭ stalicy na biełaruskaj movie pačali pracavać 17 pieršych kłasaŭ, paviedamiła čynoŭnica.
I dadała, što ŭ ruskamoŭnych škołach biełaruskaja mova vykładajecca nie horš.
«Vyniki navučańnia biełaruskaj movie my cudoŭna nazirajem na prykładzie ŭdziełu našych staličnych školnikaŭ i himnazistaŭ u respublikanskim etapie alimpijady pa biełaruskaj movie i litaratury. Kožny hod našy dzieci pryvoziać z zaklučnaha etapu alimpijady prykładna 7—9 dypłomaŭ».
U minułym navučalnym hodzie z 9 dypłomaŭ zaklučnaha etapu alimpijady pa biełaruskaj movie 8 atrymali dzieci, jakija navučajucca ŭ ruskamoŭnych škołach i himnazijach stalicy.
«Ci heta nie pakazčyk jakasnaj pracy nastaŭnikaŭ biełaruskaj movy ŭ zvyčajnych škołach?» — zaŭvažyła Śmirnova. Situacyju ŭ škołach jana kamientavała pa-biełarusku.
Raniej čynoŭnica ŭ intervju vydańniu «Minsk-Naviny» raskazała, što sioleta ŭ pieršy kłas u Minsku pajšli 22 tysiačy vučniaŭ. Dla ich stvorana kala 860 kłasaŭ. Takim čynam, kolkaść biełaruskamoŭnych kłasaŭ składaje mienš za 2%.
Śpis škoł Minska i bujnych haradoŭ, dzie vučać pa-biełarusku
Biełaruskaja škoła ŭ Varšavie zaprašaje na navučańnie biełaruskich dzietak z roznych krain śvietu