Валанцёры расчысцілі пад Навагрудкам руіны касцёла ў егіпецкім стылі ФОТАФАКТ
25-26 кастрычніка каталіцкія валанцёры працавалі каля вёскі Суляцічы Навагрудскага раёна, дзе ў пачатку ХІХ стагоддзя быў пабудаваны касцёл ва ўнікальным для Беларусі егіпецкім архітэктурным стылі, які ў гады савецкага ваяўнічага атэізму быў зруйнаваны, піша Katolik.life.
28.10.2024 / 17:02
Вынік працы добраахвотнікаў па расчыстцы руін каталіцкага храма ў Навагрудскім раёне паказаў ксёндз Юрый Жэгарын.
Каб уратаваць ад забыцця святое месца, энтузіясты расчысцілі руіны гістарычнага касцёла ад хмызняку. Талака ладзілася сумесна з валанцёрамі з розных куткоў Беларусі пры актыўным удзеле каманды «Радыё Марыя».
«Радуе сэрца, што хапае ў нас сапраўдных, салідарных і неабыякавых людзей, асабліва важна — мужчын! Зрабілі добрую справу, зрабілі што маглі. Дзякую Богу за дапамогу і натхненне!» — напісаў ксёндз Юры і таксама падзякаваў раённым уладам, вальшчыкам лясгасу і апублікаваў на сваёй старонцы серыю фота і відэа.
Гэта ўжо другая падобная акцыя: у першы раз добраахвотнікі фарбавалі касцёл у Хоўхлаве пад Маладзечна.
Так выглядаў храм у Суляцічах да руйнавання. Фота: Глобус Беларусі
Праваслаўны прыход у Слоніме пакараюць за незаконна перамаляваны храм XVII стагоддзя
Тадэвуш Кандрусевіч і Уладзіслаў Завальнюк наведалі парафію зняволенага ксяндза Юхневіча