Rasija davała navodki jemienskim chusitam dla ŭdaraŭ pa zachodnich sudnach u Čyrvonym mory
U pačatku 2024 hoda Rasija pieradavała spadarožnikavyja źviestki jemienskim chusitam, jakija atakavali zachodnija sudny ŭ Čyrvonym mory z dapamohaj rakiet i bieśpiłotnikaŭ, piša The Wall Street Journal sa spasyłkaj na krynicy.
25.10.2024 / 22:11
Zdymak ilustracyjny. Fota: AP Photo/Osamah Abdulrahman
Sa słoŭ surazmoŭcaŭ vydańnia, spadarožnikavyja źviestki pieradavalisia praz čalcoŭ Korpusa vartavych isłamskaj revalucyi Irana, ŭkaranionych u šerahi chusitaŭ u Jemienie.
«Hetaja dapamoha, pra jakuju raniej nie paviedamlałasia, pakazvaje, jak daloka hatovy zajści Uładzimir Pucin, kab padarvać uznačaleny ZŠA zachodni ekanamičny i palityčny paradak», — piša WSJ.
Jemienskija chusity pačali atakavać handlovyja sudny ŭ Čyrvonym mory ŭ kancy 2023 hoda, nahadvaje vydańnie. Ź listapada 2023 hoda byli atakavanyja bolš za sto sudnaŭ, adno ź ich było patoplenaje, jašče adno — zachoplenaje. Ataki chusitaŭ pryviali da zbojaŭ u suśvietnym handli.
U pačatku kastryčnika taja ž hazieta The Wall Street Journal paviedamiła, što Viktar But, jaki viarnuŭsia ŭ Rasiju z turmy ŭ ZŠA, znoŭ zaniaŭsia zbrojevym biznesam. Pavodle źviestak vydańnia, jon staŭ udzielnikam pieramovaŭ ab prodažy strałkovaj zbroi akurat jemienskim chusitam.
Łukašenka raskazaŭ, što pradstaŭniki Zachadu pryjazdžali da jaho pahavaryć pra Jemien i Kitaj
Pucinski «handlar śmierciu» viarnuŭsia ŭ biznes
Iran, Turcyja, chusity i «Chiezbała» pahražajuć Izrailu paśla zabojstva lidara CHAMAS
Chusity abstralali izrailski kurort Ejłat
Pucin sprabuje pieradać chusitam balistyčnyja i kryłatyja rakiety — amierykanskaja vyviedka
Chusity «dapamahli» Biełarusi i Rasii z tranzitam hruzaŭ u Jeŭropu