Arciom Žoha, jaki paprasiŭ Pucina bałatavacca na novy termin, pryznačany ŭ Radu biaśpieki Rasii
Uzvyšeńnie byłoha kamandzira danieckich sieparatystaŭ praciahvajecca.
25.10.2024 / 16:53
Uładzimir Pucin i Arciom Žoha (sprava) na sustrečy ŭ Kramli, 8 śniežnia 2023 hoda. Fota: Wikimedia Commons
Eks-kamandzir padraździaleńnia danieckich prarasijskich sieparatystaŭ «Sparta» Arciom Žoha ŭklučany ŭ Radu biaśpieki Rasii. Takoje rašeńnie pryniaŭ Uładzimir Pucin.
Pra ŭzvyšeńnie byłoha danieckaha sieparatysta «Naša Niva» ŭžo raskazvała. U śniežni 2023 hoda mienavita Žoha na sustrečy z Pucinym spytaŭsia, ci źbirajecca toj vyłučacca na novy termin. Pucin adkazaŭ stanoŭča. Praz hod Žoha atrymaŭ vialikaje pryznačeńnie — jon staŭ paŭnamocnym pradstaŭnikom prezidenta ŭ stratehična važnaj Uralskaj fiederalnaj akruzie.
Žoha byŭ aktyŭnym udzielnikam prarasijskaha sieparatysckaha ruchu na Danbasie, razam z synam Uładzimiram jon z 2014 hoda vajavaŭ u padraździaleńni «Sparta» Mataroły.
Paśla zabojstva kamandzira bataljon uznačaliŭ Uładzimir Žoha, jaki ŭžo ŭ pačatku poŭnamaštabnaj vajny taksama byŭ zabity pad Aŭdziejeŭkaj. Tady padraździaleńniem staŭ kamandavać užo sam Arciom Žoha. Pravaabaroncy i ŭkrainskija ŭłady abvinavačvajuć «Spartu» ŭ vajennych złačynstvach, u tym liku ŭ pakarańniach śmierciu vajennapałonnych.
U 2023-m Žoha ŭpieršyniu sustreŭsia z Pucinym, jaki asabista pieradaŭ jamu zorku Hieroja Rasiei, jakoj paśmiarotna ŭznaharodzili Uładzimira Žohu. Paśla hetaha Žoha-baćka ŭvajšoŭ u hienieralnuju radu «Adzinaj Rasii» i ŭznačaliŭ Narodnuju radu «DNR».
Chto taki Arciom Žoha i čamu Pucin jaho tak uzvysiŭ?
Iłan Mask moh vieści sakretnyja razmovy z Uładzimiram Pucinym