Drobiazi ź minułaha i novaha žyćcia. Nastalhičny trend u biełaruskim tyktoku
Fotazdymki z kišeniami mohuć rasčulić luboha emihranta.
25.10.2024 / 11:27
Dźvie kišeni. Fota z tyktoka @anna_karolina_m
Biełarusy publikujuć u tyktoku dopisy-karusieli, jakija składajucca z dvuch zdymkaŭ adnych i tych ža štanoŭ. Na adnym ichni pravy bok, na druhim levy. I roznaja drabiaza, jakaja źmiaščacca zvyčajna ŭ kišeniach adzieńnia.
Trend pad cheštehami #passporttrend i #mytwosides mižnarodny, ale siarod biełarusaŭ, jakija byli vymušany masava vyjechać sa svajoj krainy, jon, zdajecca, atrymaŭsia bolš tužlivym i hłybokim.
Adroźnieńnie pamiž zdymkami tolki ŭ tym, što na pieršym zdymku drabiaza, jakuju jany nosiać siońnia, a na druhim — jakaja była ź imi ŭ Biełarusi, da pierajezdu ŭ inšuju krainu.
Dźvie kišeni. Fota z tyktoka @anna_karolina_m
Dźvie kišeni. Fota z tyktoka @shcharbaty_taler
Słuchaŭki, hadzińnik, kaśmietyka — niejtralnyja rečy, ale adny ŭžo nabytyja na novym miescy, a inšyja jašče na Radzimie.
U pravaj kišeni nabor emihranta: jeŭra i złotyja, kvitok ad varšaŭskaha aŭtobusa, vid na žycharstva i kartki jeŭrapiejskich bankaŭ.
Dźvie kišeni. Fota z tyktoka @riainitalia
U levaj kišeni napamin pra byłoje: sini pašpart, vadzicielskija pravy, rubli, kartki Pryjorbanka, žetončyki mietro i bilety ad Minsktransa. I klučy ad kvater, u jakija ludzi ŭžo nie skora viernucca znoŭ.
Miełodyja pieśni «Zavirucha» ŭ vykanańni NAVIBAND tolki dadaje trendu ciopłych nastalhičnych emocyj i pačućcia adzinoty.
Dźvie kišeni. Fota z tyktoka @psifome
U minskim hateli prydumali, jak uratavać ludziej ad padzieńnia ź leśvicy
U Mazyry ŭ handlovy centr pryjšła kaza VIDEA
Tyktokiery ŭ zachapleńni ad teoryi kastryčnika. Pra što havorka?
Błohier pakazaŭ, za što addaŭ 3 tysiačy rubloŭ na partniorskich rodach u Biełarusi