На дарогах трох беларускіх абласцей з'явілася незвычайная разметка
У Беларускім дарожным навукова-даследчым інстытуце («БелдарНДІ») расказалі, што ў Мінскай, Брэсцкай і Віцебскай абласцях цяпер праводзяць эксперымент, дзеля якога на мясцовых дарогах з'явілася новая і незвычайная разметка.
23.10.2024 / 21:53
Эксперымент праводзіцца для таго, каб вызначыць аптымальны падыход да выкарыстання матэрыялаў для гарызантальнай разметкі, такіх як эмаль і святлоадбівальныя шклошарыкі.
Ва ўстанове адзначылі, што спецыялісты вызначаць найбольш эфектыўныя камбінацыі матэрыялаў і тэхналогій нанясення разметкі на дарогах з рознай інтэнсіўнасцю руху. Прычым нанясенне будзе ўлічваць кліматычныя асаблівасці рэгіёнаў Беларусі.
Пасля праведзеных даследаванняў распрацуюць праекты зменаў у СТБ 1750-2007 «Шклошарыкі святлоадбівальныя для дарожнай разметкі. Тэхнічныя ўмовы» і ТКП 452-2018 «Тэхнічныя сродкі арганізацыі дарожнага руху. Правілы нанясення гарызантальнай дарожнай разметкі».
Пасля таго новую методыку афармлення дарожнай разметкі распаўсюдзяць па ўсёй краіне.
У Гомелі з'явіўся праекцыйны пешаходны пераход. Што гэта такое?
На беларускіх дарогах пачынаюць уводзіць колерныя стоп-лініі
На МКАД з'явілася эксперыментальная разметка. Што яна значыць
Ці стане разметка на дарогах больш трывалай і як будуць апрацоўваць дарогі зімою