На паўднёвай мяжы Беларусі адкрылі памежную заставу «Грабяні»
Дзяржаўны памежны камітэт паведаміў, што 17 кастрычніка ў Лельчыцкім раёне ўрачыста адкрылі новую заставу «Грабяні».
17.10.2024 / 21:35
Будаўніцтва новага комплексу пачалося 20 лютага 2023 года ў межах праграмы «Удасканаленне пагранічнай бяспекі Саюзнай дзяржавы». На тэрыторыі абсталяваныя месцы для захоўвання і рамонту тэхнікі, гадавальнік для службовых сабак і спартыўныя аб'екты.
Памежная застава ахоўвае ўчастак дзяржаўнай мяжы з Украінай працягласцю каля 35 кіламетраў, на якім нямала працяглых забалочаных участкаў.
Паведамляецца, што з пачатку года памежнікі заставы затрымалі восем парушальнікаў.
Памежны камітэт: Сям'я з 10 дзецьмі перабралася з Латвіі ў Беларусь
Беларус вёз у Еўрасаюз рэкордную партыю кантрабандных цыгарэт — на 2,6 млн еўра
Уязджаюць з 49 краін. Памежная служба Польшчы апісала нелегальную міграцыю на мяжы з Беларуссю