Biełaruskamu kubincu Rabierta Kasanueva ŭsio ž dali DNŽ u Litvie
«Rabierta Kasanueva — kubiniec, što padtrymaŭ biełaruskija pratesty i siadzieŭ na Akreścina amal hod, evakujavany jak u kino, atrymaŭ dazvoł na žycharstva ŭ Litvie!», — napisaŭ u sacsietkach kiraŭnik Fondu salidarnaści «Bajsoł» Andrej Stryžak.
17.10.2024 / 20:08
Kubinca Rabierta Valdesa Kasanuevu zatrymali padčas biełaruskich pratestaŭ i hod trymali na Akreścina ŭ čakańni departacyi na Kubu praz Rasiju. Jon pryjechaŭ pa humanitarnaj vizie ŭ Litvu, dzie Departamient mihracyi praz hod vyrašyŭ, što na radzimie jamu ničoha nie pahražaje i admoviŭ u vydačy DNŽ.
Kasanueva vyrašyŭ abskardžvać heta rašeńnie ŭ sudzie. Sabrać hrošy na advakata ŭ Jeŭropie jamu dapamahli ludzi pry dapamozie fonda Bysol. U vieraśni 2023 hoda stała viadoma, što litoŭski sud pryniaŭ bok Rabierta.
Ale dla taho, kab atrymać litoŭski DNŽ, jak vyhladaje, spatrebiŭsia jašče ceły hod.
Biełaruski kubiniec, jakoha chacieli vysłać na radzimu, zastaniecca ŭ Jeŭropie
«Jakija biełarusy ciopłyja». Biełaruski kubiniec — pra svaje dźvie radzimy i hod na Akreścina
Sumu, patrebnuju biełaruskamu kubincu dla apłaty pasłuh advakata, sabrali za niekalki hadzin
Kubincu, jaki ŭdzielničaŭ u pratestach, pahražaje departacyja ź Biełarusi i turma na radzimie