Доктара з Брэста асудзілі па пяці палітычных артыкулах
37-гадовы Вадзім Наўценя працаваў у розных гарадах.
15.10.2024 / 15:57
Вадзім Наўценя. Фота: «Укантакце»
Па звестках праекта Digital intelligence team, Вадзіму Наўцені 37 гадоў. Родам ён з Брэста. Пасля школы адвучыўся на доктара ў Гродна. Працаваў у розных паліклініках і лякарнях — ва Ушачах, Полацку, Брэсце і Пінску. Па спецыялізацыі ён псіхолаг-нарколаг.
Мяркуючы па сацсетках, у Вадзіма ёсць жонка.
Пра прысуд і сутнасць абвінавачанняў стала вядома з прэс-рэліза Вярхоўнага суда. Вадзіма абвінавацілі ў тым, што ён удзельнічаў у пратэстах (ч. 1 арт. 342 КК) і пакідаў каментары ў тэлеграме, за што яму дадалі яшчэ чатыры артыкулы — «дыскрэдытацыя Беларусі» (арт. 369-1 КК), «абраза Лукашэнкі» (ч. 1 арт. 368 КК), «абраза прадстаўніка ўлады» (арт. 369 КК) і «распальванне варожасці» (ч. 1 арт. 130 КК).
У выніку 27 верасня яму прысудзілі тры гады калоніі і штраф у 8000 рублёў (200 базавых). Таксама ў яго канфіскавалі квадракоптар як «рэч, якую знялі з абароту».
Судзіў Вадзіма Дзмітрый Карасінскі. Ён асудзіў па палітычных крымінальных справах больш за 10 чалавек.
Дзмітрый Карасінскі і старшыня Суда Столінскага раёна Жанна Стаднік, таксама замяшаная ў рэпрэсіях. Фота: palese.by
Тлумачым, якім чынам сілавікі знаходзяць карыстальнікаў Telegram і як гэтага пазбегнуць
Айцішніца з Гродна вярнулася дадому з Польшчы. Яе затрымалі і будуць судзіць