Навука і тэхналогіі77

Беларусы стварылі бот, які дапаможа адшукаць паведамленні ў чатах. Вось як ён працуе і чаму гэта важна для бяспекі

Сёння група гродзенскіх праваабаронцаў прэзентавала бот, які шукае вашы каментары ў розных чатах і падказвае, як іх выдаліць. 

Што гэта за бот і для чаго ён створаны?

Тэлеграм-бот «Мае паведамленні ў чатах» знаходзіць вашы паведамленні ў розных чатах і прапануе вам, як іх можна выдаліць. Паведамленні шукаюцца па «пратэсных» чатах, якія стваральнікі бота ўнеслі ў сваю базу. Калі запусціць бот, можна адшукаць паведамленні толькі свайго акаўнта.

Праваабаронцы з ініцыятывы «Суды і затрыманні. Гродна і вобласць» расказваюць, як узнікла ідэя з ботам.

«Мы збіраем даныя аб палітычна матываваных судах і вывучаем, за што судзяць. У нейкі момант нам стала цікава, як шмат у чатах людзей са скампраметаванымі акаўнтамі — і мы прасканавалі адзін з гарадскіх чатаў, дзе адразу знайшлі больш за сотню падобных акаўнтаў. Мы знайшлі спосаб атрымліваць паведамленні практычна з усіх пратэсных чатаў і суполак з каментарамі на каналах, асабліва з тых, што ўнесеныя ў спісы «экстрэмісцкіх», а з часам падумалі, што можам даць усім ахвотным магчымасць знаходзіць свае паведамленні для ачысткі.

Мы таксама думалі, ці ёсць рызыкі ад публічнасці такога бота, але вырашылі, што можна зрабіць яго публічным, бо ў сілавікоў і так ужо ёсць некаторыя падобныя прылады (напрыклад, свая база назапашаных паведамленняў і боты накшталт «Магніта», з якімі яны глядзяць id акаўнтаў затрыманых)».

Як карыстацца ботам?

Калі вы актывуеце бот, ён пакажа вам чаты, у якіх ён заўважыў вашы паведамленні, а таксама іхнюю колькасць.

Паведамленне з бота, якое паказвае, колькі паведамленняў ён адшукаў і ў якіх чатах

Пасля з'явіцца інструкцыя таго, як выдаліць паведамленні і спіс чатаў, у якія трэба перайсці. А таксама спіс чатаў каналаў.

Інструкцыя ад бота па выдаленні каментароў

Пакажам, як гэта працуе на прыкладзе канала «Беларусь галаўнога мозгу». Нельга перайсці ў чат адразу — спачатку націсніце на спасылку на канал і націсніце на назву зверху. Пасля адкрыецца меню канала, націсніце там на іконку дыялогу.

«Шапка» канала «Беларусь галаўнога мозгу». Націсніце тут сіні лагатып дыялогу, каб перайсці ў чат

Пасля таго, як вы перайшлі ў чат, націсніце на тры кропкі ў правым верхнім куце.

Шапка з групы канала «Беларусь галаўнога мозгу»

Абярыце ў меню, якое выпадзе, «Пошук». Далей абярыце значок з чалавекам і лупай. 

Ніжняе меню, калі вы націснулі «Пошук». Націсніце на значок чалавека з лупай

Пасля ўвядзіце ваш нікнэйм (пры пошуку ён адлюструецца першым — можна проста на яго націснуць). Вам пакажуць усе вашы паведамленні.

Націсніце на кожнае доўгім націсканнем. Пасля націсніце значок «Сметніцы». Пацвердзіце выдаленне.

У боце працуюць таксама функцыі паўторнага пошуку паведамленняў і прагляду іх унутры браўзера.

Пасля выдалення ўсіх каментароў стваральнікі раяць выдаліць акаўнт (бо каментары, напрыклад, могуць быць раней захаваныя сілавікамі). Мы ўжо распавядалі, як зарэгістраваць новы ананімны акаўнт.

Ад чаго гэта не дапаможа?

Магчымая сітуацыя, калі ваш акаўнт быў ідэнтыфікаваны раней спецслужбамі.

Таксама не факт, что чат-бот захапіў усе чаты, у якія вы пісалі, асабліва закрытыя. Вы можаце экспартаваць вашы паведамленні ў закрытых чатах, калі яны не былі выдаленыя раней. Калі група была выдаленая або стала закрытай пасля таго, як вы выйшлі, а таксама калі вы ў ёй забаненыя, то выдаліць каментары не атрымаецца. Таму важна выдаляць пасля акаўнт.

«Наша Нiва» — бастыён беларушчыны

ПАДТРЫМАЦЬ

Каментары7

  • Неархитектор
    25.07.2023
    архитектор Мендисабаль, силовики давно имеют боты для поиска людей в Телеграмм.
  • архитектор Мендисабаль
    25.07.2023
    Неархитектор,ваш ответ - вообще не ответ.
    Мне интересно знать, кто тот бот написал, вопрос не праздный в свете последних сливов
  • Grodno_grab
    25.07.2023
    архитектор Мендисабаль, сообщения найдены в чатах и комментариях к каналам, которые были публично доступны на момент анализа чатов и каналов. Вы точно так же можете сами находить в разных чатах, бот лишь помогает вам в этом, чтобы вы ничего не пропустили.

    Мы сделали бота по принципу, что каждый может смотреть только сообщения с собственного аккаунта. Мы тоже задумывались, а что, если силовики будут отбирать телефоны и затем запускать наш бот с аккаунтов задержанных. Но здесь не появляется никакой новой угрозы, поскольку силовики и так имеют свои собственные базы сообщений, а также используют боты наподобие Магнита, с помощью которых смотрят ID аккаунта для последующей проверки в своих базах.

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Чарга легкавых аўто на ўезд у Польшчу з Беларусі павялічылася ў чатыры разы5

Юрый Чыж пайшоў у расійскі суд, каб пазмагацца за свой малаказавод у Геленджыку

Як трансгендар абваліў продажы самага папулярнага амерыканскага піва15

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам23

Не рабіце гэтую памылку ў захоўванні хлеба5

Назіраецца маштабны збой электронікі па ўсім свеце. Аэрапорты адмяняюць палёты13

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →