Druhi enierhabłok Biełaruskaj AES padklučyli da sietki
14 kastryčnika paśla zaviaršeńnia pieršaha płanava-papieradžalnaha ramontu padklučyli da sietki druhi enierhabłok Biełaruskaj AES, paviedamlaje BiełTA. Ramont na hetym enierhabłoku išoŭ z 26 lipienia.
14.10.2024 / 19:09
Paviedamlajecca, što ŭ chodzie ramontu praviedziena zamiena adpracavanaha jadziernaha paliva na śviežaje — u aktyŭnuju zonu reaktara zahružana kala 25% ciepłavydzialalnych zborak sa śviežym jadziernym palivam.
Akramia taho, u poŭnym abjomie vykanana techničnaje absłuhoŭvańnie paradku 12 tys. adzinak abstalavańnia. Praviedzieny ekspłuatacyjny kantrol mietału abstalavańnia i trubapravodaŭ AES, u tym liku kantrol mietału korpusa reaktara. Ahulnaja kolkaść abjektaŭ kantrolu skłała bolš za 20 tys., uklučajučy radyjohrafičny kantrol mietału 748 zvarnych złučeńniaŭ.
Dla ramontnaj kampanii było vykarystana bolš za 26 tys. adzinak zapasnych častak, instrumientaŭ i pryład (ZIP).
Ramont rabiŭsia siłami ramontnaha piersanału Biełaruskaj AES, a taksama pryciahnutaha piersanału AAT «Biełenierharamnaładka», AT «Rusatam servis» i AT «Atambudekspart».
U Biełarusi rasściłalisia pierad hiendyrektaram MAHATE. Čamu?
Hrosi paćvierdziŭ biaśpiečnuju pracu BiełAES
Unačy ŭ Biełaruś pryvieźli novuju partyju jadziernaha paliva
Što aznačaje dla Biełarusi adziny rynak enierharesursaŭ z Rasijaj?