Партугалія пачне выдаваць гуманітарныя візы. Іх змогуць атрымаць і беларусы
Парламент Партугаліі ўхваліў законапраект аб стварэнні гуманітарнай візы, піша «Радыё Свабода».
12.10.2024 / 20:10
Горад Порта ў Партугаліі. Здымак ілюстрацыйны. Фота: pexels.com
Закон дазволіць людзям, якіх пераследуюць на радзіме, атрымаць спецыяльную візу ў Партугалію, каб, прыехаўшы, папрасіць у ёй палітычны прытулак. Цяпер гэта можна зрабіць па турыстычнай візе, якую трэба атрымліваць у краіне грамадзянства ці ў іншай краіне — пры наяўнасці ДНЖ.
Працэдуру выдачы гуманітарных віз неўзабаве распрацуюць у парламенцкім камітэце па канстытуцыйных пытаннях. Партыя «Ліберальная ініцыятыва», якая падрыхтавала законапраект, хоча дабіцца, каб гуманітарную візу можна было атрымліваць у партугальскім пасольстве ў любой краіне, а не ехаць на радзіму «з усімі вынікаючымі рызыкамі».
Гуманітарныя візы змогуць атрымліваць і грамадзяне Беларусі, паведамляе дарадца Святланы Ціханоўскай Франак Вячорка.
«У Партугаліі будзе прыняты закон па гуманітарных візах. Гэта дае магчымасць у тым ліку беларусам атрымліваць гуманітарныя візы і прытулак у гэтай краіне. Падобныя законы ўжо дзейнічаюць у Польшчы, Літве, Германіі. Дзякуем парламентарыям!» — напісаў Вячорка ў сваім тэлеграм-канале.
Польшча ўскладняе візавыя правілы пасля карупцыйнага скандалу. Гэта датычыць і гуманітарных візаў
ЕС адклаў увядзенне новай сістэмы ўезду і выезду
Рада Еўропы заклікала спрасціць візавы рэжым для беларусаў і не патрабаваць апастылі на дакументах
Першакурснікі польскіх ВНУ змогуць падаць дакументы на візы без папярэдняй рэгістрацыі
Беларусы расказалі, як абыходзяць адну з забаронаў пры запісванні на падачу на польскую візу