Premjer Izraila paviedamiŭ pra zabojstva «pierajemnika pierajemnika» Chasana Nasrały
Premjer-ministr Izraila Bińjamin Nietańjachu zapisaŭ videazvarot da žycharoŭ Livana na anhlijskaj movie, u jakim paviedamiŭ, što izrailskija vajskoŭcy zabili ŭžo dvuch pierajemnikaŭ zahinułaha kiraŭnika» Chiezbały» Chasana Nasrały.
08.10.2024 / 20:44
Bińjamin Nietańjachu padčas videazvarotu. Skrynšot ź videa
«My źniščyli tysiačy terarystaŭ, uklučajučy samoha Nasrału, pierajemnika Nasrały i pierajemnika jaho pierajemnika. Siońnia «Chiezbała» słabiejšaja, čym była za mnohija hady», — skazaŭ Nietańjachu.
Havoračy pra pierajemnika Nasrały, Nietańjachu mieŭ na ŭvazie Chašema Safi ad-Dzina, pra śmierć jakoha ŭ vyniku avijaŭdaru pa bunkiery na poŭdni Biejruta paviedamiła Al Arabiya 5 kastryčnika.
Imia zahinułaha «pierajemnika pierajemnika» Nasrały Nietańjachu nie ŭdakładniŭ.
Lidar «Chiezbały» Chasan Nasrała zahinuŭ pry ŭdary pa padziemnym centralnym štabie hrupoŭki ŭ Biejrucie ŭviečary 27 vieraśnia.
ŚMI daviedalisia pra hibiel pierajemnika Nasrały paśla čarhovaha ŭdaru Izraila
Na poŭdni Biejruta prahrymieli mahutnyja vybuchi. Cellu moh być brat zabitaha lidara «Chiezbały»
Źjaviłasia videa, jak śćviardžajecca, ź miesca hibieli lidara «Chiezbały» Chasana Nasrały
Zabojstva Nasrały: detali apieracyi i reakcyja śvietu