СМІ даведаліся пра гібель пераемніка Насралы пасля чарговага ўдару Ізраіля
Пасля гібелі Хасана Насралы лідарам «Хезбалы» быў абвешчаны яго стрыечны брат Сафі ад-Дзін. Паводле звестак Al Arabiya, Сафі Ад-Дзін быў забіты ўдарам ВПС Ізраіля.
05.10.2024 / 14:52
Сафі Ад-Дзін. Wikimedia Commons
Сувязь з Хашэмам Сафі Ад-Дзінам, які прыходзіцца стрыечным братам загінуламу генсаку «Хезбалы» Насрале і называўся яго верагодным пераемнікам, страчаная з пятніцы, калі ВПС Ізраіля нанеслі ўдары па паўднёвай ускраіне Бейрута, распавялі крыніцы Reuters у ліванскіх сілах бяспекі.
Al Arabiya са спасылкай на крыніцы піша, што Сафі Ад-Дзін загінуў пасля ўдару па бункеры ў паўднёвым прыгарадзе Бейрута, дзе ён знаходзіўся са сваімі памочнікамі, іранцамі і палявымі камандзірамі «Хезбалы».
Раней пра тое, што мэтай ізраільскага авіяўдару па Бейруце 4 кастрычніка быў менавіта Сафі Ад-Дзін, паведамляў журналіст Axios Барак Равід са спасылкай на двух ізраільскіх чыноўнікаў.
Новым кіраўніком «Хезбалы» стаў стрыечны брат Насралы
На поўдні Бейрута прагрымелі магутныя выбухі. Цэллю мог быць брат забітага лідара «Хезбалы»