Матацыкліст-беларус атрымаў у Польшчы вялізны штраф за ліхацтва на трасе
Польскія паліцыянты затрымалі 39-гадовага матацыкліста з Беларусі, які імчаўся па трасе з хуткасцю 200 км/г і ствараў небяспеку на дарозе. Рызыкоўная язда скончылася для беларуса буйным штрафам і вялікай колькасцю штрафных балаў, піша Most.
01.10.2024 / 17:51
Беларус на матацыкле. Скрыншот: biala-podlaska.policja.gov.pl
Беларуса затрымалі супрацоўнікі бельскай групы SPEED, якія патрулявалі нацыянальную трасу №2. Мужчына на матацыкле Kawasaki нёсся са хуткасцю 200 км/г. Пасля затрымання беларус патлумачыў паліцыі, што «спяшаўся на працу пасля доўгага чакання на мяжы».
Кіроўца ігнараваў не толькі абмежаванні хуткасці, але і правілы бяспекі на дарозе — ён абганяў з правага боку, а ягоныя манеўры складалті рэальную пагрозу для іншых удзельнікаў руху.
За свае дзеянні беларус атрымаў сур’ёзнае пакаранне: штраф у памеры 8,5 тыс. злотых (каля 2 тысяч еўра) і 38 штрафных балаў.
У Барысаўскім раёне загінула 19-гадовая матацыклістка
У цэнтры Мінска сутыкнуліся легкавік і матацыкл