С 3 кастрычніка ўжо можна будзе задарма прышчапіцца ад грыпу
З 3 кастрычніка ўсе ахвотныя беларусы змогуць бясплатна прышчапіцца ад грыпу, паведамляе Міністэрства аховы здароўя. Вакцыны ўжо паступаюць у паліклінікі.
30.09.2024 / 19:39
Задарма прышчапляць будуць трохкампанентнай вакцынай ад грыпу «Грыпол Плюс» расійскай вытворчасці.
Ёсць таксама варыянт прышчэпкі чатырохкампанентнай французскай вакцынай «Ваксігрып Тэтра», але ў такім выпадку за яе давядзецца заплаціць.
У Міністэрстве аховы здароўя запэўніваюць, што ўсе вакцыны ўтрымліваюць актуальныя штамы віруса, рэкамендаваныя СААЗ для ўключэння ў склад сезонных вакцын.
Усяго ў планах Мінздароўя прышчапіць больш за 2 мільёны чалавек.
У Беларусі ўспышка пнеўманій, у бальніцах шмат пацыентаў
Амерыканскія ўлады ўхвалілі абноўленыя вакцыны ад COVID-19
Эксперты папярэджваюць пра рызыку пандэміі птушынага грыпу