Na źniščanym ukraincami rasijskim składzie bojeprypasaŭ u Taropcy mahli zachoŭvacca rakiety ź Biełarusi
Vajskovy skład u Taropcy Ćviarskoj vobłaści zachoŭvaŭ rakiety, pryviezienyja ź Biełarusi, paviedamiła Supolnaść čyhunačnikaŭ Biełarusi. Pavodle jaje infarmacyi, niezadoŭha da nalotu bieśpiłotnikaŭ na arsienał na stancyju Staraja Taropa adbyvalisia pastaŭki bojeprypasaŭ dla ZRK z 1562-j asobnaj zienitnaj ramontna-techničnaj bazy pad Asipovičami.
30.09.2024 / 16:01
Adzin sa spadarožnikavych zdymkaŭ ź miesca paražeńnia arsienała ŭ Taropcy. Fota: Maxar
Pa źviestkach hrupy Conflict Intelligence Team, u Taropiec sapraŭdy dastaŭlali rakiety, jakija prajšli techničnaje absłuhoŭvańnie na bazie pad Asipovičami. Na takich bazach u ramkach techničnaha absłuhoŭvańnia rakiet zamianiajucca znošanyja elemienty i praviarajecca pracazdolnaść usich sistem.
Arsienał u Taropcy byŭ atakavany ŭkrainskimi bieśpiłotnikami ŭ noč na 18 vieraśnia, udaram byŭ vyklikany mahutny pažar z detanacyjaj bojeprypasaŭ. U vyniku mahli być źniščanaja bojeprypasia z kala pałovy składoŭ.
Źjavilisia spadarožnikavyja FOTY z kančatkovymi vynikami ŭdaru pa składzie ŭ Taropcy. Jany ŭražvajuć
Brytanskaja raźviedka: Ataka na arsienał u Taropcy parušyć dziejańni rasijskich vojskaŭ
Vybuch hihanckaha składa bojeprypasaŭ u Ćviarskoj vobłaści: što viadoma na hety momant
Źjavilisia spadarožnikavyja FOTY nastupstvaŭ ukrainskaha ŭdaru pa składzie bojeprypasaŭ u Taropcy
Ukrainskija bieśpiłotniki ŭrazili vializarny skład bojeprypasaŭ u Ćviarskoj vobłaści