SpaceX zapuściła misiju pa vyratavańni astranaŭtaŭ, jakija zatrymalisia na MKS
Kampanija Iłana Maska SpaceX u subotu zapuściła rakietu-nośbit Falcon 9 z kaśmičnym karablom Crew Dragon da Mižnarodnaj kaśmičnaj stancyi (MKS), piša «Hołas Amieryki». U hetaha karabla budzie dadatkovaja misija.
28.09.2024 / 23:00
Sunita Uiljams i Butč Uiłmar pierad vyletam u kosmas. Fota: Joe Raedle/Getty Images
U składzie ekipaža kaśmičnaha karabla — dva čałavieki zamiest čatyroch. Dva miescy vyrašyli zareziervavać dla viartańnia na ziamlu astranaŭtaŭ Sunity Uiljams i Butča Uiłmara, jakija zatrymalisia na stancyi našmat daŭžej, čym płanavałasia.
Hetyja astranaŭty prybyli na MKS na karabli Starliner vytvorčaści Boeing u pačatku červienia i pavinny byli pravieści na arbicie ŭsiaho tydzień. Ale pry stykoŭcy sa stancyjaj u Starliner uźnikli prablemy z ruchalnaj sistemaj. U NASA paličyli jaho niebiaśpiečnym dla viartańnia astranaŭtaŭ na ziamlu i vyrašyli adpravić ich dadomu na karabli hałoŭnaha kankurenta Boeing u kosmasie — SpaceX.
U vyniku zamiest tydnia Uiljams i Uiłmaru daviadziecca zatrymacca na stancyi ažno na 8 miesiacaŭ. Karabiel Crew Dragon vierniecca na Ziamlu tolki ŭ lutym 2025 hoda.
Amierykanskija astranaŭty dumali źlotać u kosmas na vosiem dzion, a zaviśli, napeŭna, na vosiem miesiacaŭ
Amierykanskija astranaŭty zaviśli na arbicie i nie mohuć viarnucca dadomu
Kaśmičnyja turysty, jakija vychodzili ŭ adkryty kosmas, viarnulisia na ziamlu
Kaśmičny karabiel Starliner viarnuŭsia na Ziamlu