Ślivy z patelni z kardamonavym johurtam — recept
Krychu aryhinalnaści ŭ padačy — i zvykłaja ź dziacinstva sadavina adkryjecca z novaha boku.
28.09.2024 / 08:36
Fota: dinnershow.studio
Kab pryhatavać zapiečanyja ślivy z kardamonavym johurtam, spatrebicca:
- 300 h sinich śliŭ
- 4 stałovyja łyžki hustoha naturalnaha johurtu
- 1-2 stałovyja łyžki cukrovaj pudry
- ščopać mołataha kardamonu
- 2 stałovyja łyžki masła
- 100 h karyčnievaha cukru
- 50 mł romu
- zdrobnienyja siemiečki kunžutu (pa žadańni, dla pasypki)
Jak hatavać:
- Ślivy razrazajem uzdoŭž napałovu i dastajom kostački. Źmiešvajem johurt z cukrovaj pudraj i kardamonam, stavim u chaładzilnik.
- Na patelni razahravajem masła. Kładziom na jaho ślivy i dadajom karyčnievy cukar, paśla čaho praź niekatory čas ulivajem rom. Hatujem na mocnym ahni, kab vadkaść vyparyłasia, ale ślivy zachavali svaju formu. Krucim patelniu, kab sous raŭnamierna pakryŭ ślivy.
- Padajom haračyja ślivy z łyžkaj chałodnaha johurtu, pry žadańni možna pasypać zdrobnienym kunžutam.
Parada
Kantrast tempieratur dobra spracoŭvaje ŭ desiertach: naprykład, usim viadomy šaryk marožanaha da haračaha jabłyčnaha piraha. Tamu lepš vykarystoŭvać dobra astudžany johurt.
Naśpieŭ čas zboru śliŭ. Čym jany karysnyja, a kamu ich nielha
Lehiendarnaja šarłotka — recepty ŭ anhlijskaj, francuzskaj i amierykanskaj viersijach
Desiert z čarnaślivu i hreckich arechaŭ ź viarškami: vytančany smak i sucelnaja karyść