Сотні люксавых аўто стаяць у чарзе на мытні пад Мінскам
У пункце мытнага афармлення на 17-м кіламетры аўтатрасы Р-1 Мінск-Дзяржынск знаходзяцца дзясяткі аўтовозаў. Легкавыя аўтамабілі, уключаючы новыя мадэлі Mercedes-Benz, Lamborghini, Porsche, Lexus, BMW, Aston Martin і Bentley, а таксама рэдкія экзэмпляры, такія як Rolls-Royce Silver Shadow, паступілі на мытню з Еўропы і ЗША, піша расійскае выданне Sputnik.
27.09.2024 / 19:10
Фота: Sputnik
Галоўнымі кліентамі з’яўляюцца беларусы і расіяне, якія спрабуюць паспець з афармленнем аўтамабіляў перад павышэннем утылізацыйнага збору. З 1 кастрычніка плата за «ўтыль» у Расіі для замежных аўто ўзрасце на 70-85%, што можа дадаць некалькі тысяч долараў. У выніку многія, у тым ліку беларусы, імкнуцца даставіць аўто з-за мяжы, каб прадаць іх у Расіі.
Фота: Sputnik
Адзін з расійскіх перавозчыкаў адзначыў, што людзі збіраюцца з машынамі на мытні не толькі з-за павышэння ўтылізацыйнага збору, але і з-за таго, што Літва закрыла мяжу. Ён расказаў, што цяпер аўтамабілі дастаўляюць праз іншыя краіны, такія як Грузія, Нідэрланды, Турцыя і Расія. Лагістыка стала даражэйшай: дастаўка аўто з Амерыкі цяпер каштуе ад чатырох тысяч долараў.
Чакаецца, што чэргі на мытні будуць заставацца і надалей, паколькі многія аўто прыбываюць адначасова з-за зменаў у маршрутах дастаўкі.
У Германіі тры чалавекі атрымалі рэальныя тэрміны за экспарт люксовых аўто праз Беларусь у Расію
У Нідэрландах адродзяць створаны беларусам аўтамабільны брэнд
Белдзяржстрах больш не будзе страхаваць люксавыя аўтамабілі