Sałaŭjoŭ dapuściŭ adstaŭku Pucina dziela lepšaj abarony Rasii. Razhubilisia ŭsie, asabliva Hihin
Zajava rasijskaha prapahandysta Uładzimira Sałaŭjova nakont idei prybrać Pucina z prezidenckaj pasady prahučała ŭ efiry fiederalnaha telebačańnia.
24.09.2024 / 12:55
Rasijski prapahandyst Uładzimir Sałaŭjoŭ i łukašenkaŭski prapahandyst Vadzim Hihin u viačernim efiry telekanała «Rasija-1» za 22 vieraśnia. Skrynšoty z tranślacyi
U viačernim efiry na telekanale «Rasija-1» za 22 vieraśnia rasijski prapahandyst Uładzimir Sałaŭjoŭ dapuściŭ mahčymaść adpraŭki Uładzimira Pucina ŭ adstaŭku dziela palapšeńnia abaranazdolnaści Rasii i źnižeńnia ŭzroŭniu karupcyi ŭ Minabarony.
Pa słovach Sałaŭjova, u Rasii, niahledziačy na vielizarnaje ŭlivańnie fiederalnych hrošaj, nie budujucca jakasnyja linii abarony i naležnym čynam nie rychtujecca vajskovaja łahistyka. Prapahandyst prapanavaŭ pasadzić vinavatych u niezaležnaści ad zajmanych imi pasad u roznych ministerstvach i navat zakranuŭ u svajoj hnieŭnaj rytorycy Pucina.
«Mała pasadzić tych, chto praviniŭsia. Treba pryznačyć na ich miescy tych, chto razumieje, jak dziejničać efiektyŭna. Mnie zusim nie važna, jakoha koleru kotka, hałoŭnaje, kab jana łaviła myšej. Tamu davajcie ŭžo pierachodzić da kankretnych rašeńniaŭ, navat kali dla hetaha spatrebicca adstaŭka Viarchoŭnaha», — zajaviŭ Sałaŭjoŭ u efiry «Rasija-1».
U momant vymaŭleńnia prapanovy pra adstaŭku Viarchoŭnaha (a ŭ Rasii Viarchoŭny hałoŭnakamandujučy Uzbrojenymi Siłami heta Pucin) adzin z haściej-śpikieraŭ prahramy Sałaŭjova hučna achnuŭ. Prapahandyst adrazu razhubiŭsia i adznačyŭ, što «padobnyja prapanovy jamu nie pa zarobku». Sałaŭjoŭ paśla pasprabavaŭ zahładzić niebiaśpiečny momant i pieravieści adkaznaść za drennuju abaronu Rasii nazad na dziaržstruktury.
Źbiantežylisia i astatnija hości prahramy, siarod jakich byŭ łukašenkaŭski prapahandyst Vadzim Hihin. Usie vyhladali razhublenymi i nijak nie kamientavali zajavu Sałaŭjova, dapuskajučy niajomkaje maŭčańnie ŭ zale.
Łukašenkaŭski prapahandyst Vadzim Hihin i astatnija hości prahramy Sałaŭjova padčas vykazvańnia apošnim idei ab adstaŭcy Pucina. Kadry z tranślacyi
U šou Sałaŭjova pryznali, što šancy Rasii na pieramohu ŭ realnym supraćstajańni z NATA roŭnyja nulu
Bujnoje izrailskaje vydańnie abyhrała proźvišča Sałaŭjova na iŭrycie. Atrymaŭsia žorstki ruski mat