Brytanskaja raźviedka: Ataka na arsienał u Taropcy parušyć dziejańni rasijskich vojskaŭ
Brytanskaja vajskovaja raźviedka apublikavała analiz nastupstvaŭ ukrainskaha ŭdaru pa arsienale pad horadam Taropcam Ćviarskoj vobłaści, jaki adbyŭsia ŭ noč na 18 vieraśnia.
21.09.2024 / 19:23
Jak śćviardžajecca ŭ ahladzie, na hetym abjekcie «amal napeŭna» zachoŭvalisia bojeprypasy roznych kalibraŭ dla vykarystańnia na froncie, a taksama rakiety i płaniernyja bomby, jakija vykarystoŭvajucca na najbližejšych aeradromach. Jość taksama paviedamleńni, što tam nibyta znachodzilisia bojeprypasy z Paŭnočnaj Karei.
Heta adzin z najbujniejšych stratehičnych składoŭ bojeprypasaŭ u Rasii, i pa danych brytanskaj raźviedki, tam zachoŭvałasia kala 30 tysiač ton bojeprypasaŭ.
Z vysokaj imaviernaściu zachoŭvańnie bojeprypasaŭ pad adkrytym niebam vyklikała łancuhovuju reakcyju vybuchaŭ, jakaja zakranuła sistemu bunkieraŭ, što pryviało da straty «vialikaj kolkaści bojeprypasaŭ».
Brytanskaja raźviedka adznačaje, što, choć arsienał źjaŭlajecca častkaj šyrokaj sietki zabieśpiačeńnia, hetaja strata, z vysokaj imaviernaściu, parušyć rasijskija suchaputnyja apieracyi, asabliva ŭ Kurskaj vobłaści.
Vybuch hihanckaha składa bojeprypasaŭ u Ćviarskoj vobłaści: što viadoma na hety momant
Źjavilisia spadarožnikavyja FOTY nastupstvaŭ ukrainskaha ŭdaru pa składzie bojeprypasaŭ u Taropcy
Ukrainskija bieśpiłotniki ŭrazili vializarny skład bojeprypasaŭ u Ćviarskoj vobłaści