У Германіі знайшлі раней невядомую п'есу Моцарта
Твор захоўваўся ў бібліятэцы Лейпцыга і быў выпадкова знойдзены падчас падрыхтоўкі да перавыдання поўнага спісу твораў Моцарта. Ён будзе выканана ў суботу, 21 верасня, у оперным тэатры Лейпцыга, піша Deutsche Welle.
20.09.2024 / 22:24
Вольфганг Амадэй Моцарт
Гаворка ідзе пра 12-хвілінны твор пад назвай Serenate ex C, напісаны Вольфгангам Амадэем Моцартам у падлеткавым узросце, паведаміла нямецкае інфармацыйнае агенцтва dpa 19 верасня.
П'еса захоўвалася сярод іншых нот у Музычнай бібліятэцы Лейпцыга і была знойдзеная падчас падрыхтоўкі да перавыдання так званага Каталога Кёхеля (Köchelverzeichnis) — поўнага спісу твораў Моцарта ў храналагічным парадку.
Як мяркуюць спецыялісты, п'еса была напісаная маладым геніем у канцы 1760-х гадоў, калі яму было ад 10 да 13 гадоў. Кампазіцыя вельмі падобная да твораў Моцарта, хоць пакуль аўтарства не даказана на 100%.
Тым не менш, музыказнаўца з Міжнароднага фонду Моцартэум Ульрых Лайзінгер гатовы выключыць аўтарства іншых кампазітараў і сцвярджае, што гэта твор юнага Моцарта — «да гэтага часу невядомы і вельмі чароўны».
У суботу, 21 верасня, знаходку прадставяць шырокай грамадскасці ў оперным тэатры Лейпцыга, дзе п'еса будзе выканана на публіцы.
Сігоў і Зелянкоўская з’явяцца ў спектаклі па Арлову