Mnohija adramantavanyja iPhone z paniadziełka pieratvoracca ŭ «cahliny»
Kampanija Apple zapuskaje funkcyju Activation Lock, jakaja zabłakuje pryłady, kali ŭ ich pry ramoncie vykarystoŭvalisia kradzienyja detali.
15.09.2024 / 18:54
Fota: Naša Niva
Jana pačnie pracavać razam z relizam iOS 18, paviedamlaje partał 9to5Mac.
Pa słovach kampanii, dla taho, kab źniać błakiroŭku, treba budzie ŭvieści parol ad Apple ID uładalnika kradzienaha telefona. Hetyja źmieny datyčacca akumulataraŭ, modulaŭ kamier i dysplejaŭ. Takim čynam u Apple majuć namier pakłaści kaniec rynku kradzienych iPhone.
Z ulikam taho, što takija zapčastki zvyčajna staviać bieź viedama klijenta, dy i sam servis časta nie ŭ kursie, adkul pryjšli detali, śpiecyjalisty rekamiendujuć nie abnaŭlacca da iOS 18, kali vaš telefon byŭ u nieaficyjnym servisie. Inakš jość ryzyka, što vaš ajfon pieratvorycca ŭ «cahlinu».
Pavodle krynicy, błakiroŭka detalaŭ ad skradzienych iPhone budzie pracavać tolki z telefonami, jakija abnavilisia da iOS 18. Nahadajem, hetuju viersiju apieracyjnaj sistemy padtrymlivajuć iPhone XR/XS i naviejšy. Pry hetym, jak adznačaje 9to5Mac, hetaje novaŭviadzieńnie nie raspaŭsiudžvajecca na iPad.
Reliz iOS 18 zapłanavany ŭžo na 16 vieraśnia. Jaje nazyvajuć adnym z samych maštabnych abnaŭleńniaŭ prahramnaha zabieśpiačeńnia dla iPhone za apošnija hady, jakoje dadaść šyrokija mahčymaści kastamizacyi, jak na Android, a taksama padtrymku niejrasietkavych fišak Apple Intelligence dla iPhone 15 Pro i vyšej, ale ŭžo k kancu 2024 hoda.
Sami iPhone 16 pastupiać u prodaž 20 vieraśnia. Kardynalna pryłady nie źmianilisia, ale Pro-madeli rekordna vyraśli ŭ pamierach, knopka Action Button ciapier jość nie tolki ŭ «prošak», a va ŭsioj liniejcy, a skoraść zaradki pa provadzie pavialičyłasia da 45 Vt.
Razam z tym žurnalisty adznačajuć, što na momant vychadu 20 vieraśnia iPhone 16 buduć «syrymi». Usia sprava ŭ tym, što mnohija krutyja funkcyi, jakija pakazali na prezientacyi, źjaviacca praz abnaŭleńni iOS da kanca hoda.
Apple pieratvaryła svaje AirPods u słychavy aparat. I, zdajecca, heta budzie vialiki pośpiech
Apple pavinna vypłacić Irłandyi 13 młrd jeŭra
Apple prezientavała liniju novych ajfonaŭ sa štučnym intelektam