Жыхарка Гродна вырашыла пабудаваць на ўчастку басейн — і наткнулася на снарад часоў вайны
Коўш экскаватара зачапіў металічны прадмет — ім аказаўся артылерыйскі снарад.
12.09.2024 / 22:12
Фота: МУС
Жыхарка Гродна вырашыла абсталяваць на сваім участку адкрыты басейн. Каб падрыхтаваць катлаван, выклікалі экскаватар.
Падчас работ коўш наткнуўся на нейкі металічны прадмет. Аказалася, у зямлі ляжаў снарад, піша newgrodno.
Гаспадыня ўчастка патэлефанавала ў міліцыю, сілавікі выклікалі на месца сапёраў. Небяспечную знаходку загрузілі ў спецыяльны кантэйнер і вывезлі на палігон для ўтылізацыі. Высветлілася, што гэта 152-міліметровы снарад часоў Другой сусветнай вайны.
«Прызнаюся, спачатку было жудасна ўсвядоміць, што ў двары такая небяспека. Але цяпер усё скончыолася», — расказала жанчына.
Кажуць, у гэтым раёне падчас вайны былі вайсковыя склады. Снарады ў зямлі падчас будаўнічых работ тут знаходзілі і далей.
У Ваўкавыскім раёне ў лесе знайшлі 16 скрынак з артылерыйскімі снарадамі
Проста ў цэнтры Новалукомля знайшлі авіяцыйную бомбу
У жыхара Калінкавічаў канфіскавалі цэлы арсенал зброі