Выйшаў на волю палітвязень Артур Рыбін
У пачатку верасня выйшаў на волю, цалкам адбыўшы прызначаны тэрмін зняволення, палітвязень Артур Рыбін з Гомеля. У 2021 годзе яму прысудзілі 3,5 гады калоніі, піша «Гомельская вясна».
06.09.2024 / 18:31
Пасля адбытага тэрміну палітычна матываванага зняволення на волю выйшаў гамяльчук
04.09.2024
2 жніўня 2021 года Гомельскім абласным судом Артуру Рыбіну быў вынесены прысуд паводле ч. 1 арт. 130 (распальванне расавай, нацыянальнай, рэлігійнай альбо іншай сацыяльнай варожасці альбо варажнечы) і ч. 1 арт. 339 (хуліганства) Крымінальнага кодэкса.
Згодна з абвінавачваннем, у лістападзе 2020 года Артур Рыбін нібыта зрабіў інсталяцыю з партрэтам Лукашэнкі і надпісам «Гары ў пекле», паставіў яе на адной з гарадскіх пустак, сфатаграфаваў і выклаў фота ў тэлеграм-чат. Гэта было названа хуліганствам.
Таксама Рыбін напісаў у інтэрнэце каментар: «Увесну трэба выходзіць і не сыходзіць з вуліцы. Калі цябе б’юць, можна біць у адказ». Гэта было кваліфікавана як распальванне варажнечы да міліцыянтаў.
Суддзя Галіна Святко прысудзіла Артуру 3,5 года пазбаўлення волі ва ўмовах агульнага рэжыму. Тэрмін зняволення мужчына адбываў ў калоніі №3 у г.п. Віцьба пад Віцебскам.
Пасля двух гадоў зняволення выйшаў на свабоду гомельскі бард Аляксей Ільінчык
На волю выйшаў палітвязень Аляксей Кірэеў
Палітвязень Яўген Харашкевіч цалкам адбыў тэрмін і выйшаў на волю