U pasolstva Hiermanii ŭ Biełarusi pryznačyli vielmi daśviedčanaha kiraŭnika
Časovaj pavieranaj u spravach Hiermanii ŭ Biełarusi pryznačanaja Andrea Viktaryn.
06.09.2024 / 16:32
Andrea Viktaryn. Fota: facebook.com/posolstvogermaniiminsk
«Dla jaje jak daśviedčanaha dypłamata Biełaruś — viadomaja kraina. Jana ŭžo dvojčy pabyvała ŭ Minsku na aficyjnych pasadach: jak kiraŭnik delehacyi ES u Minsku z 2015 pa 2019 hod i jak pastajanny pradstaŭnik Pasolstva Hiermanii ŭ Minsku z 2000 pa 2003», — havorycca ŭ paviedamleńni pasolstva.
Andrea Viktaryn taksama pracavała ambasadarkaj Hiermanii ŭ Łatvii, Niderłandach i Armienii, apošniaje pierad pryznačeńniem u Biełaruś miesca pracy — kiraŭnica delehacyi ES u Armienii.
Andrea Viktaryn. Fota: facebook.com/posolstvogermaniiminsk
«Andrea Viktaryn pačała svaju karjeru na dypłamatyčnaj słužbie padčas padzieńnia Bierlinskaj ściany i ŭźjadnańnia Hiermanii. Raniej jana vyvučała historyju i niamieckuju movu na piedahahičnym fakultecie ŭ Bonie.
Jak historyku joj važna pryznavać histaryčnuju adkaznaść niemcaŭ pierad biełaruskim narodam i vystupać za prymireńnie i razumieńnie.
My rady adznačyć, što ŭ asobie spadaryni Viktaryn atrymali daśviedčanaha dypłamata i kiraŭnika, jaki vielmi lubić krainu Biełaruś i jaje narod. Jak i jaje papiarednik Michael Novak, jana budzie pracavać nad dalejšym raźvićciom i pahłybleńniem siabroŭstva pamiž biełaruskim i niamieckim narodami», — zajaŭlaje pasolstva Hiermanii.
Da spadaryni Viktaryn na hetaj pasadzie pracavaŭ Michael Novak. Jon byŭ časovym pavieranym paśla taho, jak Biełaruś pakinuŭ u 2023 hodzie ambasadar Manfred Chuterer.
Vienhryja? Italija? Ci Hrecyja? Dzie možna chutka i lohka aformić šenhienskuju vizu