Staś Karpaŭ pra Kuźmiča: Jakija spažyŭcy, takija i mastaki
Viadomy błohier Staś Karpaŭ u svajoj niepaŭtornaj tvorčaj maniery adhuknuŭsia ŭ fejsbuku na apošni šerah skandałaŭ z udziełam mastaka-akcyjanista Alaksieja Kuźmiča.
05.09.2024 / 21:13
Alaksiej Kuźmič padčas akcyi pa raskopvańni mahiły mastaka Vinsenta Van Hoha ŭ Francyi
Što b ni rabiŭ Kuźmič — heta sprava jahonaja. Heta moža padabacca, moža nie padabacca. Inšaje pytańnie, što heta — nie mastactva. I akcyjanizm — nie mastactva.
Tamu što mastactva nie stvarajecca pry dapamozie siły voli. Zvyčajna mastactva realizujecca nasupierak.
Nielha vyrašyć napisać p***aty vierš i napisać. Nielha namalavać karcinu, napisać muzyku prosta zachacieŭšy.
Zatoje možna prybić jajki da tratuara, raskapać mahiłu ci namalavać ch** na razvadnym moście. Jak i pajści ŭ trenažorku, jak i skleić domik z zapałak ci źlapić samy vialiki ŭ śviecie pielmień.
Kniha rekordaŭ Hinesa — najvialikšy ŭ śviecie zbor akcyjanizmu. Prosta kali niejki niamiecki čuvak zdźmuŭ harošynu na 7,5 mietraŭ, to heta zapisali jak rekord, a kali b jon skazaŭ, što harošyna simvalizuje saboj płanietu, a zdźmuvańnie — eroziju hleby ŭ rajonie Sachary, to heta byŭ by akcyjanizm.
Pamiž lepkaj vialikaha pielmienia i «aktualizacyjaj prablemy abjektyvacyi žančyn» — paŭkroki.
Naohuł, pa maich nazirańniach, prablema sučasnaha mastactva ŭ tym, što lanivyja tvorcy, jakija, jak ni staralisia — nie mahli nie stvarać, pakrysie zamianilisia na valavych pryhožych ludziej, jakija ličać, što adnaho žadańnia stvarać mastactva — dastatkova. Asabliva kali aŭdytoryja ŭ cełym ludzi biez hustu i adukacyi, jakija zaniatyja najpierš «uśviedamleńniem siabie». Takija mastaki i takija spažyŭcy — jak draniki i śmiatanka.
Kuźmič pra Alesia Puškina: Mnie nie blizkija mastaki, jakija zajmajucca nacyjanalizmam u mastactvie
Mastak Alaksiej Kuźmič na voli. Ale z Francyi jon pavinien vyjechać
Ad mastaka Kuźmiča, jaki raskapaŭ mahiłu van Hoha, patrabujuć pakinuć terytoryju ES
Mastaka Kuźmiča adpravili ŭ SIZA za pierformans na mahile van Hoha
Biełaruski mastak raskapaŭ mahiłu van Hoha