Čynoŭniki prydumali, jak vyrašyć prablemu z šumnym skiejt-parkam u Minsku
U pierśpiektyvie płanujecca abnieści park płotam i začyniać na noč, a pakul na skiejtaraŭ buduć vyklikać milicyju.
05.09.2024 / 16:00
Fota: koko.by
U parku Uha Čaviesa ŭ staličnaj Kamiennaj Horcy niadaŭna adkryŭsia samy vialiki ŭ Minsku skiejt-park. Adnak takoje susiedstva nie vielmi spadabałasia miascovym žycharam.
Jany skardziacca na šum: skiejtary pačynajuć katacca z čaćviortaj ranicy, a zakančvajuć časam apoŭnačy. Paśla skarhaŭ administracyja parku paviesiła šyldy: jany paviedamlajuć, što naviedvać park z 23.00 da 7.00 zabaroniena. Adnak skiejtary ŭsie papiaredžańni ihnarujuć.
U «Minskzielanbudzie» vyrašyli adreahavać na situacyju nastupnym čynam: na skiejtaraŭ i samakatčykaŭ, jakija parušajuć režym cišyni, buduć vyklikać milicyju, pišuć «Minsk-Naviny».
«U ciapierašni čas na terytoryi placoŭki raźmieščanyja infarmacyjnyja šyldy ab zabaronie dziejańniaŭ, jakija vyklikajuć šum u poźni čas (z 23:00 da 7:00).
U suviazi z tym, što za parušeńnie hetaha pradpisańnia praduhledžanaja administracyjnaja adkaznaść, dyśpietčaram słužby achovy daručana vyklikać na miesca milicyjanieraŭ», — paviedamili kamunalniki.
U budučyni płanujecca pastavić vakoł placoŭki płot i začyniać varoty na noč.
Žychary Kamiennaj Horki skardziacca na susiedstva sa skiejt-parkam. Mocna skryhoča i zaminaje spać
U Minsku stvorać park na ziamli, vyviezienaj z budaŭnictva mietro
U Minsku adkryŭsia abnoŭleny park imia Uha Čaviesa