U Akademii navuk składajuć śpis tych, kamu dazvolać vychodzić u internet
A akademikaŭ, jakija pastajanna žyvuć za miažoj, mohuć pazbavić zvańnia.
03.09.2024 / 16:41
Viadomy vučony-chimik Siarhiej Biesarab apublikavaŭ u svaim telehram-kanale frahmient dakumienta pad nazvaj «Pratakoł daručeńniaŭ, dadzienych Staršynioj Prezidyuma Nacyjanalnaj akademii navuk Biełarusi Husakovym U. R. 2 vieraśnia 2024 h.»
Źmiest daručeńniaŭ uražvaje. Tak, punktam 3 pradpisvajecca «padrychtavać śpis supracoŭnikaŭ aparata NAN Biełarusi na prava vychadu ŭ sietku Internet». Taksama vyznačycca z tym, chto z supracoŭnikaŭ dastojny hetaha prava, pradpisvajecca kiraŭnikam arhanizacyj NANB.
Dyrektaru NPC pa materyjałaznaŭstvie daručana pravieści ŭ svajoj ustanovie mabilizacyju supracoŭnikaŭ, skiravanuju na «aktyvizacyju pracy pa stvareńni batarej dla elektramabila».
Jość siarod daručeńniaŭ adno i represiŭnaha charaktaru. Im pradpisvajecca raspracavać prajekt dapaŭnieńniaŭ u Statut NANB, jakija dali b mahčymaść pazbaŭlać zvańniaŭ akademikaŭ i členaŭ-karespandentaŭ, jakija «pastajanna žyvuć za miažoj i (ci) viaduć dziejnaść, skiravanuju suprać Respubliki Biełaruś i Akademii navuk Biełarusi».
Kiraŭnik Akademii navuk prydumaŭ paniaćcie «biełaruski śviet» i patłumačyŭ, što heta takoje
Kiraŭnik Akademii navuk zajaviŭ, što Łukašenka moh by pretendavać na Nobieleŭskuju premiju
Viadomy chimik skłaŭ partret represavanaha navukoŭca. Niekatoryja vysnovy niečakanyja