Z 1 vieraśnia ŭ Jeŭrasajuzie viarnuli abmiežavańni na pravoz vadkaściaŭ u samalocie
Jeŭrakamisija pryniała rašeńnie viarnuć z 1 vieraśnia zabaronu na pravoz u ručnoj pakłažy avijapasažyraŭ vadkaściaŭ u abjomie bolš za 100 mililitraŭ, paviedamlaje Bi-bi-si.
02.09.2024 / 19:59
Fota: Getty Image
Adnaŭleńnie abmiežavańnia źviazana ź niedaskanałaściu skanieraŭ, jakija vykarystoŭvajucca ŭ bolšaści aeraportaŭ. Vyśvietliłasia, što jany niedastatkova karektna raspaznajuć jomistaści z vadkaściami.
Raniej u Jeŭrasajuzie dazvolili asobnym krainam i aeraportam samastojna prymać rašeńni ab abjomie vadkaści ŭ ručnoj pakłažy pasažyraŭ. I ŭ mnohich krainach admianili hetyja abmiežavańni.
Adnak vykarystańnie kala 350 novych skanieraŭ u 13 krainach ES zaśviedčyła, što ŭ ich jość prablemy z raspaznańniem pa vadkaściach. Tamu pakul abmiežavańnie vyrašyli viarnuć.
Biełarusam nie treba budzie zdavać bijamietryju pry ŭjeździe ŭ Rasiju