Kolki ŭ Biełarusi prychilnikaŭ režymu Łukašenki — daśledavańnie Astapieni
Novaje apytańnie Chatham House pakazvaje, jak vyhladaje padzieł u biełaruskim hramadstvie pa palityčnych prychilnaściach.
03.09.2024 / 13:02
Fota: staronka «UKantakcie» Pieršamajskaha rajkama BRSM
Chatham House (kiraŭnik biełaruskaha prajekta — doktar palityčnych navuk Ryhor Astapienia) pravioŭ novaje apytańnie hramadskaha mierkavańnia. Jaho vyniki dazvolili aŭtaram vyznačyć u biełaruskim hramadstvie asnoŭnyja siehmienty pa palityčnych prychilnaściach.
Kožnaha čaćviortaha respandenta (25%) aŭtary adnieśli da praŭładnaha siehmientu, da prademakratyčnaha łahiera — kožnaha siomaha (14%). Stolki ž siarod apytanych ekanamična niezadavolenych. Pry hetym amal pałova (47%) akazałasia niejtralnaj.
Tych, chto cikavicca i nie cikavicca palitykaj, akazałasia 42% i 33% adpaviedna (i vialikaja kolkaść tych, chto nie staŭ adkazvać).
Z tym, što apošni hod spravy ŭ krainie iduć u pravilnym kirunku, całkam ci častkova zhodnyja 41% apytanych. Całkam ci častkova nie zhodnyja — 24%.
Zadavolenaść ciapierašniaj ekanamičnaj situacyjaj vykazali 41% respandentaŭ, niezadavolenym byŭ kožny treci (33%). Pry hetym nieabchodnaść reformaŭ šmat u jakich śfierach bačyć amal kožny druhi (45%). Suprać vykazaŭsia tolki kožny siomy (13%).
Pra nieabchodnaść u krainie mocnaj ruki lidara zajaviła 39% apytanych, suprać vykazaŭsia kožny čaćviorty (24%).
***
Apytańnie Chatham House prachodziła z 28 červienia pa 3 lipienia 2024 hoda. Udzieł u im pryniali 827 respandentaŭ. Aŭtary adznačajuć, što vyniki abmiežavany haradskim nasielnictvam i karystalnikami internet. Heta — a taksama faktar strachu — mahło krychu skazić karcinu.
U čym biełarusy zachoŭvajuć hrošy? Vyniki apytańnia mohuć ździvić
Jakuju Biełaruś chočuć biełarusy? Analiz apytańniaŭ daje cikavuju karcinu
Jak časta biełarusy zavodziać słužbovyja ramany?