Выбух на Омскім НПЗ вывеў з ладу амаль палову магутнасцяў прадпрыемства — Reuters
Агенцтва Reuters са спасылкай на крыніцу, знаёмую з сітуацыяй, сцвярджае, што вынікам выбуху на Омскім НПЗ, які прагучаў 26 жніўня, стала вывядзенне з ладу паловы гэтага прадпрыемства, якое вырабляе дзясятую частку расійскага паліва.
26.08.2024 / 22:32
Са слоў суразмоўцы агенцтва, у выніку інцыдэнту атрымала пашкоджанні і была спыненая найбольш прадукцыйная на заводзе ўстаноўка першаснай перапрацоўкі нафты АВТ-11.
Па словах крыніц Reuters, у выніку аварыі на заводзе можа цалкам спыніцца працэс гідракрэкінгу, паколькі ён забяспечваецца сыравінай (вакуумным газойлем) непасрэдна з АВТ-11.
АВТ-11 перапрацоўвае ў год 8,4 млн тон нафты і 1,2 млн тон газавага кандэнсату, забяспечваючы 41% магутнасці Омскага НПЗ.
На думку аналітыкаў, ва ўмовах санкцый аднавіць гэтую ўстаноўку будзе вельмі складанай задачай.
Увогуле ж летась Омскі НПЗ перапрацаваў 21,28 мільёна тон нафты і вырабіў 5,07 млн тон аўтабензіну (11,5% ад вытворчасці ў РФ), 8,1 млн тон дызпаліва (9,2%) і 1,63 млн тон авіягазы (15%).
У Расіі гарыць Омскі НПЗ — мясцовыя жыхары чулі магутны выбух
Вялікі пажар пачаўся на НПЗ у Омску
Экспарт расійскай нафты абваліўся рэкордна з пачатку вайны
Беспілотнікі атакавалі НПЗ у Адыгеі