U Biełarusi źjavicca bazavy sacyjalny taryf na mabilnuju suviaź. Što heta takoje?
U mabilnych apierataraŭ ciapier źjavicca bolš abaviazkaŭ, za nievykanańnie jakich ich budzie karać dziaržava.
26.08.2024 / 17:57
Ilustracyjnaje fota: Contributor Getty Images
U Biełarusi źjavicca bazavy sacyjalny taryf na mabilnuju suviaź.
Košt hetaha taryfu budzie kantralavać dziaržava dla taho, kab jon byŭ dastupny dla ŭsich katehoryj hramadzian, havorycca va ŭkazie Łukašenki.
Akramia taho, dakumient uvodzić novyja abaviazki dla mabilnych apierataraŭ. Zakanadaŭstvam buduć vyznačanyja asablivyja patrabavańni da jakaści i achopu, jakija nadajucca apieratarami pasłuh. Za parušeńnie hetych patrabavańniaŭ kampanii buduć karać.
Taksama apieratary ŭ abaviazkovym paradku pavinny buduć nakiroŭvać častku prybytku na budaŭnictva novych vyšak, madernizacyju dziejnych abjektaŭ i inšyja miery pa raźvićci sietak sotavaj suviazi, što dazvolić pavialičyć zonu pakryćcia i ŭstojlivaść sihnału.
Łukašenka padpisaŭ ukaz ab ramiesnaj dziejnaści. Što ŭ im?
U Minsku stvorać adzinuju dziažurna-dyśpietčarskuju słužbu. U jaje ŭvojduć bolš za 20 arhanizacyj
U Iŭjeŭskim rajonie čałavieka zabiła tokam padčas padzaradki telefona