«Iłan Mask, don, budzie zadavoleny». Pakul kadyraŭcy vajujuć na Kurščynie, sam Kadyraŭ ładzić kłaŭnadu ŭ Čačni
Kiraŭnik Čačni Ramzan Kadyraŭ zajaviŭ, što źbirajecca adpravić na vajnu va Ukrainu kibiertrak Tesla z kulamiotam.
17.08.2024 / 22:06
«Ja z zadavalnieńniem adčuŭ novuju techniku i asabista pierakanaŭsia, što nie vypadkova jaho nazyvajuć «Kibierźvier». Sapraŭdnaja niaŭraźlivaja i chutkaja žyviolina. […] Zychodziačy z takich vydatnych charaktarystyk, kibiertrak chutka budzie adpraŭleny ŭ zonu SVA, dzie budzie zapatrabavany ŭ adpaviednych umovach», — skazaŭ Kadyraŭ u svaim telehram-kanale.
Taksama jon padziakavaŭ uładalniku Tesla Iłanu Masku i zaprasiŭ jaho ŭ Hrozny, adznačyŭšy, što rasijskaje MZS, vidać, budzie nie suprać takoj pajezdki.
Apošnim časam chodziać razmovy, što zdaroŭje Ramzana Kadyrava vielmi pachisnułasia. U mai «Novaja hazieta Jeŭropa» apublikavała rasśledavańnie pra surjoznuju chvarobu Kadyrava. Pavodle vydańnia, «stan zdaroŭja 47-hadovaha Ramzana Kadyrava nie pakidaje nadziej na jaho vylačeńnie». U tym liku i kab raźviejać hetyja čutki, Kadyraŭ imkniecca jak maha čaściej źviartać na siabie ŭvahu, jak i ŭ minułyja časy, roznymi ekscentryčnymi vychadkami.
Chvory Kadyraŭ tajemna ažaniŭ svaich niepaŭnaletnich synoŭ
Čatyry žonki Ramzana Kadyrava, jakija naradzili jamu 14 dziaciej: chto jany
Skarmiŭ čałavieka lvu. Piać dzikich historyj pra Ramzana Kadyrava
Kadyraŭ vykłaŭ videa sa spartyŭnaj zały na fonie navinaŭ pra niebiaśpiečnuju chvarobu
«Raniejšaha lidara ŭžo nie budzie». Ramzan Kadyraŭ nievylečna chvory